धान्याचं कोठार म्हणून ओळखल्या जाणाऱ्या गोंदिया जिल्ह्यात 183 शासकीय आधारभूत धान खरेदी केंद्रा वरून खरेदी केलेले 541 कोटी रुपयाचे धान खराब होण्याच्या मार्गावर पडून आहे.
गोंदिया जिल्ह्यातील राईस मिलर्स संघटनेने आपल्या विविध मागण्यासाठी धान भरडाई बंद केली आहे. मागील सहा महिन्या पासून खरेदी केलेला 24 लक्ष 77 हजार 996 किविंटल धान भरडाई न झाल्याने खरीप हंगामात खरेदी केलेले धान खराब होण्याच्या मार्गांवर आहे. तर रब्बी हंगामात धान खरेदी करून ठेवायचे कुठे असा प्रश्न जिल्हा पणन कार्यालयाला पडला आहे.
गोंदिया जिल्ह्यात वर्ष 2023-24 या वर्षात जिल्हा मार्केटींग फेडरेशन कडे गोंदिया जिल्ह्यात 1 लक्ष 25 हजार 129 शेतकऱ्यांनी धान विक्री करिता ऑनलाईन नोंदणी केली आहे. त्यापैकी 80 हजार 806 शेतकऱ्यांनीच शासकीय धान खरेदी केंद्रावर 24 लक्ष 77 हजार 996 किविंटल धान विक्री केली. या धानाचे 540 कोटी 94 लक्ष 53 हजार 76 रुपये शेतकऱ्यांना अदा करण्यात आले. खरेदी केलेला धान गोदामात तसेच उघड्यावर पडून आहे. तर जिल्हा मार्केटिंग फेडरेशन कडे गोंदिया तील 353 राईस मिलर्स पैकी 196 राईस मिलर्स ने धान भरडाई करण्यासाठी करार फॉर्मची उचल केली होती . त्यापैकी 33 राईस मिलर्स ने धान्य भरडाईचा करार करत धान भरडाईला सुरवात केली नसल्याने पणन विभागाने 15 एप्रिल 2024 ला गोंदियातील राईस मिलर्स सोबत विडिओ कॉन्फरनसिग द्वारे मिटिंग घेत धान भरडाई करण्याची विनंती केली मात्र राईस मिलर्स आपल्या मागण्या वर अडून असल्याने धान भरडाईचा मार्ग निघाला नाही.
150 रुपये किवींटल प्रमाणे भरडाई दर द्यावे, हमाली दर वाढवून द्यावे, वाहतूक दरात वाढ करावी या अन्य मागण्यांना घेऊन राईस मिलर्स धान्य भरडाई करण्यात मनाई केली. जो पर्यंत मागण्या मान्य होणार नाही तॊ पर्यंत धान्य भरडाई करणार नाही असा पवित्रा राईस मिलर्स ने घेतला आहे.
तर 2 मे 2024 पर्यंत गोंदिया जिल्ह्यातील करार केलेल्या 33 राईस मिलर्स ने धान भरडाईला सुरवात केली नाही. अश्या 33 ही राईस मिलर्स ला काळ्या यादीत टाकून त्यांचे करार नामे देखील रद्द करणे EMD जप्त करून त्याचा अहवाल पाठविण्याच्या सूचना अन्न नागरी पुरवठा विभागाने पणन विभागाला दिल्या आहेत. तर दुसरीकडे जो पर्यंत आमच्या मागण्या मान्य होणार नाही तो पर्यंत धान्य भरडाई करणार नाही असा पवित्रा राईस मिल मालकांनी घेतला आहे.
