महाराष्ट्र राज्य माध्यमिक आणि उच्च माध्यमिक शिक्षण मंडळाने घेतलेल्या दहावीच्या परीक्षेचा निकाल जाहीर करण्यात आला असून, यंदा ९५.८१ टक्के विद्यार्थी उत्तीर्ण झाले आहेत. राज्य मंडळाने पत्रकार परिषदेत हा निकाल जाहीर केला. यंदा १ मार्च ते २६ मार्च या कालावधीत दहावीची परीक्षा घेण्यात आली.
यंदा १० वी बोर्डाच्या परीक्षेस पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळातून एकूण १५,६०,१५४ नियमित विद्यार्थ्यांनी नोंदणी केली होती. त्यापैकी १५,४९,३२६ विद्यार्थी या परीक्षेकरता प्रविष्ट झाले होते. यातील १४,८४,४४१ विद्यार्थी उत्तीर्ण झाले असून यंदाच्या निकालाची एक्केवारी ९५.८१ एवढी आहे. मागील १० वी बोर्डाचा वर्षी ९३.२३ टक्के निकाल लागला होता. म्हणजेच, मागील वर्षाच्या तुलने यंदा टक्केवारीत १.६५ टक्क्यांनी वाढ झाली आहे. सीबीएसई, आयसीएसईचे निकाल जाहीर झाल्यानंतर राज्य मंडळाच्या निकालाकडे विद्यार्थी पालकांचे लक्ष लागले होते.
यंदाच्या SSC 2024 च्या निकालाची वैशिष्ट्ये :
१. या परीक्षेस राज्यातील पुणे, नागपूर, औरंगाबाद, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमधून विज्ञान, कला, वाणिज्य व व्यवसाय अभ्यासक्रम या शाखांतील एकूण १५६०१५४ नियमित विद्यार्थ्यांनी नोंदणी केली होती. त्यापैकी १५४९३२६ विद्यार्थी प्रविष्ट झाले असून त्यापैकी १४८४४४१ विद्यार्थी उत्तीर्ण झाले आहेत आणि निकालाची टक्केवारी ९५.८१ आहे.
२. या परीक्षेस राज्यातील नऊ विभागीय मंडळांमधून एकूण २५,७७० पुनर्परीक्षार्थी विद्यार्थ्यांनी नोंदणी केली होती. त्यापैकी २५,३२७ विद्यार्थी परीक्षेस प्रविष्ट झाले. त्यापैकी १२,९५८ विद्यार्थी उत्तीर्ण झाले आहेत व त्यांची एकूण निकालाची टक्केवारी ५१.१६ आहे.
३. खाजगी विद्यार्थी म्हणून नोंदणी केलेल्या विद्यार्थ्यांची एकूण संख्या २५,८९४ एवढी असून २५,३६८ विद्यार्थी प्रविष्ट झाले असून, २०,४०३विद्यार्थी उत्तीर्ण झाले आहेत. त्यांच्या निकालाची टक्केवारी ८०.४२ आहे.
४. या परीक्षेस राज्यातील नऊ विभागीय मंडळांमधून एकूण ९१४९ दिव्यांग विद्यार्थ्यांनी नोंदणी केली होती. त्यापैकी ९०७८ दिव्यांग विद्यार्थी परीक्षेस प्रविष्ट झाले. त्यापैकी ८४६५ दिव्यांग विद्यार्थी उत्तीर्ण झाले आहेत व त्यांची एकूण निकालाची टक्केवारी ९३.२५ आहे..
५. इ. १० वी परीक्षेस नोंदणी केलेल्या पात्र दिव्यांग विद्यार्थ्यांना प्रचलित पध्दतीने सवलतीचे.. गुण देणेबाबत कार्यवाही करण्यात आलेली आहे.
६. सर्व विभागीय मंडळातून नियमित विद्यार्थ्यांचा कोकण विभागाचा निकाल (९९.०१ %) सर्वाधिक असून सर्वात कमी निकाल नागपूर विभागाचा (९४.७३%) आहे.
७. सर्व विभागीय मंडळातून नियमित मुलींचा निकाल ९७.२१ % असून मुलांचा निकाल ९४.५६ % आहे. म्हणजेच मुलींच्या निकालाची टक्केवारी मुलांपेक्षा २.६५ टक्क्यांनी जास्त आहे.
८. एकूण १८ विषयांचा निकाल १०० टाके लागला आहे.
९. राज्यातील २३,२८८ माध्यमिक शाळांमधून १५,६०,१५४ नियमित विद्यार्थ्यांनी नोंदणी केली होती. त्यापैकी ९ हजार ३८२ शाळांचा निकाल १०० टक्के लागला आहे.
विभागनिहाय टक्केवारी आणि टक्केवारीनुसार विभागीय मंडळ क्रमांक :
क्रमांक १ : कोकण : ९९.०१ टक्के
क्रमांक २ : कोल्हापूर : ९७.४५ टक्के
क्रमांक ३ : पुणे : ९६.४४ टक्के
क्रमांक ४ : मुंबई : ९५.८३ टक्के
क्रमांक ५ : अमरावती : ९५.५८ टक्के
क्रमांक ६ : नाशिक : ९५.२८ टक्के
क्रमांक ७ : लातूर : ९५.२७ टक्के
क्रमांक ८ : छत्रपती संभाजीनगर : ९५.१९ टक्के
क्रमांक ९ : नागपूर : ९४.७३ टक्के
Post Views: 48
