श्रीपुर – शामराव क्षीरसागर या आमच्या कंपनीतील सामान्य कुटुंबातील कामगाराचा मुलगा रोहीत याने कर निरीक्षक (Tax Insperctors) परिक्षेत जिद्द , चिकाटी व प्रामाणिकपणाच्या जोरावर यश संपादन करून आई – वडिलांच्या कष्टाचे सार्थक केले हे आमच्या ब्रिमा सागर परिवरा साठी अभिमानास्पद असून सर्वांना प्रेरणा देणारे यश असल्याचे प्रतिपादन ब्रिमा सागर डिस्टलरीजचे व्यवस्थापकीय संचालक भरतकुमार सेठीया यांनी केले .
रोहीत क्षिरसागर याने मिळवलेल्या यशाबद्दल कामगारांच्या वतीने आयोजित करण्यात आलेल्या सत्कार समारंभात भरतकुमार सेठीया बोलत होते . कार्यक्रमाच्या अध्यक्षस्थानी कारखान्याचे जनरल मॅनेजर दिनकर बेंबळकर हे होते.
या प्रसंगी रोहित क्षीरसागर, त्यांचे वडील शामराव क्षीरसागर आणि आई सौ. लक्ष्मी क्षीरसागर यांचा हार, शाल व श्रीफळ देऊन सन्मान करण्यात आला .
येवेळी डी. बी. कुलकर्णी यांनी आपल्या मनोगता मध्ये मेहनती व सामान्य कुटुंबातील तरुणांनीही चिकाटी ठेवल्यास मोठी स्वप्ने पूर्ण करता येतात, याचे रोहीत हे उत्तम उदाहरण असल्याचे सांगितले .
या प्रसंगी डेप्युटी मॅनेजर नरेश पाठक, सतीश डिंगरे, निवृत्ती पवार, डी. बी. कुलकर्णी, सत्यजित पाटील, भागवत पारसे, सुरज शिंदे, गणेश विभुते, उमेश मिसाळ, बाळासाहेब पिसाळ, रोहन क्षीरसागर, राम क्षीरसागर, महादेव जाधव, दावल शिवशरण, नितीन वाघमारे, आण्णा शिंदे आदी मान्यवर उपस्थित होते.
उपस्थितांनी रोहितचे अभिनंदन करत त्याच्या पुढील वाटचालीस शुभेच्छा दिल्या. कार्यक्रमाचे सूत्रसंचालन महादेव जाधव यांनी केले तर आभार सत्यजित पाटील यांनी मानले.
गुणवत्ता सिद्ध करणे महत्वाचे . . . . . . . .
झपाट्याने बदलत असलेल्या माहिती – तंत्रज्ञान युगामध्ये नव नवीन ज्ञान प्राप्त करून आपला सर्वागिण विकास होण्याकडे तरुणांनी लक्ष केंद्रीत करणे गरजेचे आहे . कारण गुणवत्ता असेल तरच तुम्ही अशा यशाला गवसणी घालू शकणार आहे . म्हणून प्रथम गुणवत्ता सिद्ध करणे महत्वाचे आहे .
व्यवस्थापकीय संचालक , भरतकुमार सेठिया .
रोहीत क्षिरसागर याने मिळवलेल्या यशा बद्दल सत्कार करताना भरतकुमार सेठीया , दिनकर बेंबळकर .
