बार्शी – नगरपरिषदेच्या विशेष सभेत विविध विषय समित्यांचे सदस्य व सभापती निवडीची प्रक्रिया शांततेत व बिनविरोध पार पडली. या सर्व समित्यांवर भारतीय जनता पार्टीचे वर्चस्व राहिले असून, सर्व समित्यांच्या सभापतीपदी भाजपच्या नगरसेवकांची बिनविरोध निवड करण्यात आली.
मुख्याधिकारी तथा पीठासन अधिकारी तैमूर मुलाणी यांच्या अध्यक्षतेखाली ही विशेष सभा पार पडली. सभेच्या सुरुवातीला विमान अपघातात दुःखद निधन झालेले महाराष्ट्राचे उपमुख्यमंत्री अजितदादा पवार यांना श्रद्धांजली अर्पण करण्यात आली. नगरपरिषदेत एकूण सहा विषय समित्या असून प्रत्येक समितीत १२ सदस्यांची नियुक्ती करण्यात आली आहे. उपनगराध्यक्ष हे नियोजन व विकास समितीचे पदसिद्ध सभापती असतात. त्यानुसार उपनगराध्यक्ष रोहित पाटील यांच्या अध्यक्षतेखालील नियोजन व विकास समितीसाठी ११ सदस्यांची नियुक्ती करण्यात आली. उर्वरित सर्व समित्यांमध्ये १२ सदस्यांचा समावेश आहे. प्रत्येक समितीत सत्ताधारी भाजप-शिवसेना (शिंदे गट) युतीचे ७ तर विरोधी शिवसेनेचे (उबाठा) ५ सदस्य घेण्यात आले आहेत..
नगराध्यक्षा तेजस्विनी कथले या स्थायी समितीच्या पदसिद्ध सभापती असून, स्थायी समितीत भाजपचे विजय राऊत, शिंदे सेनेचे संदेश काकडे व विरोधी उद्धव सेनेचे कृष्णराज बारबोले यांचा समावेश करण्यात आला आहे. तसेच सर्व विषय समित्यांचे सभापती हे स्थायी समितीचे पदसिद्ध सदस्य असतात. भाजप गटनेते विजय चव्हाण, शिवसेनेचे (शिंदे गट) राजू घोंगाणे व शिवसेना (उबाठा) चे नागेश अक्कलकोटे यांनी आपल्या-आपल्या पक्षाच्या सदस्यांची नावे मुख्याधिकाऱ्यांकडे
सादर केल्यानंतर अधिकृतरित्या या निवडी जाहीर करण्यात आल्या. नवनियुक्त सभापती व सदस्यांचे माजी आमदार राजेंद्र राऊत तसेच नगराध्यक्ष तेजस्विनी कथले यांनी अभिनंदन करुन शुभेच्छा दिल्या.
विषय समित्यांचे सभापती व सदस्य पुढीलप्रमाणे-
स्थायी समिती सभापती (पदसिद्ध) तेजस्विनी कथले, सदस्य विजय राऊत, संदेश काकडे, कृष्णराज बारबोले व सर्व विषय समित्यांचे सभापती. सार्वजनिक बांधकाम समिती सभापती दीपक राऊत, सदस्य प्रकाश माने, स्वप्नील उघडे, कांचन मोहिते, विजय चव्हाण, राजू घोंगाणे, भागिरथी त्रिंबके, नागेश अक्कलकोटे, राहुल कोंढारे, मुजम्मील पठाण, नवनाथ माळगे, सरस्वती भानवसे.
शिक्षण, क्रीडा व सांस्कृतिक कार्य समिती सभापती: भारत पवार, सदस्य- कांचन मोहिते, फरजाना जलसे, उर्मिला मोहिते, सुजाता मस्के, राजू घोंगाणे, शमा रिकीबे, अनिकेत कारंडे, सायरा मुल्ला, आकाश राऊत, ज्योर्तिलिंग कसबे, अमोल मांगडे.
स्वच्छता, वैद्यकीय व सार्वजनिक आरोग्य समिती सभापती अमोल चव्हाण, सदस्य स्वप्नील उघडे, अर्चना बारसकर, अनुरथ वाणी, फरजाना जलसे, शमा रिकीबे, मिरा नाळे, नवनाथ माळगे, विद्या बंगाळे, रागिणी पाचपुते, चांगुणा जाधव, भागवत मांगडे.
पाणीपुरवठा व जलनिःसारण समिती सभापती संतोष बारंगुळे, सदस्य उर्मिला मोहिते, चंद्रकला कांबळे, विजय चव्हाण, प्रकाश माने, मिरा नाळे, बाळासाहेब पवार, वसंत देवकर, शिला साळुंके, महेदिमियां लांडगे, सरस्वती भानवसे.
नियोजन व विकास समिती सभापती रोहित पाटील (उपनगराध्यक्ष), सदस्य लक्ष्मीबाई गव्हाणे, चंद्रकला कांबळे, अनुरथ वाणी, अर्चना बारसकर, राजू घोंगाणे, भागिरथी त्रिंबके, राहुल कोंढारे, महेदिमियां लांडगे, विद्या बंगाळे, मुजम्मील पठाण, अनिकेत कारंडे.
महिला व बालकल्याण समिती सभापती अबिदा तांबोळी, उपसभापती : सुनिता ढोणे, सदस्य उर्मिला मोहिते, सुजाता मस्के, लक्ष्मीबाई गव्हाणे, मिरा नाळे, भागिरथी त्रिंबके, शांता नायकोजी, चांगुणा जाधव, गोदावरी शिंदे, सायरा मुल्ला, रागिणी पाचपुते यांची निवड करण्यात आली आहे.
