मोहोळ – पाठ्यपुस्तकातील यश महत्वाचे आहेच. पण केवळ त्याहीपेक्षा समाज जीवनात आपली मुलं कशी वागतात यावरच त्याचा सर्वांगिण किती विकास झाला हे कळणार आहे. त्यासाठी पालक म्हणून आपणच प्रयत्न करणे आवश्यक आहे असे प्रतिपादन पुण्याचे नामांकित समुपदेशक मयुरेश डंके यांनी मोहोळ येथे केले . येथील नामांकित वकील आणि रा.स्व.संघाचे तत्कालीन शहर कार्यवाह स्व.ॲङ् पी. डी. कुलकर्णी यांच्या द्वितीय स्मृती दिनानिमित्त आयोजित व्याख्यानाच्या कार्यक्रमात ते बोलत होते.
लोटस स्कूल आणि सुयश क्रीडा शिक्षण व बहुउद्देशीय मंडळ यांच्या संयुक्त विद्यमाने आयोजित पंचतंत्रे पालकत्वाची हा त्यांच्या व्याख्यानाचा विषय होता. या वेळी व्यासपीठावर नेताजी शिक्षण प्रसारक मंडळाचे अध्यक्ष प्रा. डॉ. एम. ए . गायकवाड,डॉक्टर असोशिएशनचे तालुकाध्यक्ष डॉ. शैलेश झाडबुके,रा. स्व.संघाचे माजी तालुका कार्यवाह माधव तथा राजाभाऊ देशमुख,मोहोळ पत्रकार संघाचेतालुका अध्यक्ष अशोक पाचकुडवे सर, तालुका कार्यवाह डॉ. अमोल हराळे, गरड कॉलेजचे माजी प्राचार्य वे.शा.सं. बाजीराव जोशी, पं.स चे भाजप गटनेते संजीव खिलारे,भारतीय मजदूर संघाचे तालुकाध्यक्ष मच्छिंद्र गाडे-पाटील, चेंबर ऑफ कॉमर्सचे प्रवीण डोके आदि मान्यवर उपस्थित होते. सुरुवातीला स्व.पी.डी. कुलकर्णी यांच्या प्रतिमेचे पूजन मान्यवरांच्या हस्ते करण्यात आले . प्रास्ताविक ॲङ् अमोल देशपांडे यांनी केले . त्यात त्यांनी या कार्यक्रमाच्या आयोजनाचे महत्त्व विषद केले. तर लोटस स्कूल संस्थेचे अध्यक्ष प्रा. नंदकिशोर देशपांडे यांनी स्व.पी डी. कुलकर्णी यांच्या वकिली कौशल्याचा आणि सामाजिक कार्याचा गौरव केला.
पुढे बोलताना मयुरेश डंके म्हणाले की, मुलांशी थेट संवाद करा. गूगल वर सर्च करून उत्तरे शोधू नका. आपल्याला एका जिवंत मेंदूचा विकास साधायाचा आहे . त्यासाठी अशा प्रकारचे योग्य शिक्षण देणाऱ्या लोटस स्कूल सारख्या संस्थेच्या हातात आपले मूल सुरक्षित आहे. त्यांच्या सहकार्याने आपल्या मुलांचे करियर घडवा .त्यांची जडणघडण नीट होण्यासाठीअसे प्रयत्न आवश्यकआहेत. उदरनिर्वाह की करियर यासाठीही पालकांनीही आपल्या मुलाच्या विकासासाठी आजच्या या दिवसा पासून सुरुवात केली पाहिजे असे ही डंके म्हणाले. सूत्रसंचालन नम्रता कुलकर्णी यांनी केले.आभार सौ. केतकी देशपांडे यांनी मानले.
यावेळी निवृत्त न्यायाधीश श्रीमती प्राची कुलकर्णी, डॉ.स्वाती हराळे, भाजपाचे जिल्हा चिटणीस आणि पत्रकार संघाचे माजी अध्यक्ष महेश सोवनी, प्रा. मदनसिंह लाळे,मनोज गुरव,दिलीप (ताऊ) वाघमोडे, छगन अष्टूळ, विनोद देशपांडे, विकास सरवळे, अजित भोसले, ॲड् .अमोल कुलकर्णी, सौ. मानसी सोवनी आदि मान्यवरांसह महिला पालक ही मोठ्यासंख्येने उपस्थित होते.
