सोलापूर – स्वराज्य पोलिस मित्र, पत्रकार संरक्षण आणि माहिती अधिकार संघटना सोलापूर जिल्ह्याच्या वतीने जागतिक महिला दिनाचे औचित्य साधून विविध क्षेत्रात उल्लेखनीय कार्य करीत असलेल्या 24 महिलांना स्वराज्य कर्तृत्ववान महिला पुरस्काराने सन्मानीत करण्यात आले.
सोलापूरच्या चौडेश्वरी मंगलकार्यालयात आयोजित कार्यक्रमाच्या अध्यक्षस्थानी स्वराज्य च्या प्रदेशाध्यक्षा सौ. धनश्रीताई उत्पात ह्या होत्या. तर प्रमुख पाहुणे म्हणून स्वराज्य चे संस्थापक तथा राष्ट्रीय अध्यक्ष दिपक कांबळे, विश्वस्त उमेश काशीकर, प्रसिद्ध उद्योपती सौ. निता रघोजी, पत्रकार सौ. श्रुती गांधी ह्या होत्या.
स्वराज्य चे जिल्हा अध्यक्ष चंद्रकांत वेदपाठक यांनी प्रमुख पाहुण्यांचे स्वागत करून व सत्कार केला आणि सोलापूर जिल्हा स्वराज्य संघटनेच्या कार्याचा आढावा सादर केला.
स्वराज्य पोलीस मित्र, पत्रकार संरक्षण आणि माहिती अधिकार संघटनेचे संस्थापक तथा राष्ट्रीय मुख्य महासचिव कमलेश शेवाळे (देवा सर) यांच्या मार्गदर्शनाखाली या कार्यक्रमाचे आयोजन करण्यात आले होते.
या प्रसंगी दिपक कांबळे, सौ. धनश्रीताई उत्पात, सौ. निता रघोजी, सौ. श्रुती गांधी, चंद्रकांत वेदपाठक यांनी आपले मनोगत व्यक्त करून उपस्थिताना मार्गदर्शन केले.
या प्रसंगी सत्कार मूर्ती *सौ. धनश्रीताई उत्पात, सौ. अंबुबाई वेदपाठक, सौ. शुभांगी पंडित, सौ. श्रुती गांधी, सौ. निता रघोजी, सौ. जयश्री शहाणे, सौ. दीप्ती शहाणे, श्रीमती राजश्री टाक, सौ. हेमावती उपळाईकर, सौ. अंजली कुरुलकर, सौ. सुनंदा क्षीरसागर, सौ. स्मिता पोतदार, सौ. वर्षा पोतदार, सौ. अर्पिता शिंदे, सौ. महानंदा सोनवणे, सौ. रामेश्वरी निंबाळे, सौ. अश्विनी क्षीरसागर, सौ. उर्मिला कदम, सौ. पुजा पत्तार, श्रीमती मिराबाई बुद्रुक श्रीमती अलका विभूते, सौ. सविता सागरे, सौ. चंद्रकला पोतदार, श्रीमती शांताबाई बंगरगी या 24 आदर्श महिलांना स्वराज्य कर्तृत्ववान महिला पुरस्काराने सन्मान चिन्ह देऊन, शाल पांघरून, मोत्याचे माळ देऊन सत्कार करण्यात आला.
कार्यक्रम यशस्वी करण्यासाठी स्वराज्य चे जिल्हा कार्याध्यक्ष सुनिल पंडित, जिल्हा उपाध्यक्ष राजेंद्रकुमार रघोजी, सचिव सुधाकर शहाणे, सरचिटणीस दिपक कुरुलकर, सरचिटणीस दत्तगुरु वेदपाठक, दिलीप क्षीरसागर, संतोष दीक्षित, अमर शिंदे, रोहित उपळाईकर, अमोल शहाणे, गौरीशंकर सोनवणे, सह विविध पदाधिकारी, सदस्यांनी विषेश मेहनत घेतली.
