वेळापूर – आराध्य दैवत अर्धनारी नटेश्वर यांच्या वार्षिक यात्रोत्सवाला भक्तिभाव, परंपरा आणि उत्साहाच्या वातावरणात प्रारंभ झाला. यात्रेतील प्रमुख मानला जाणारा हळदी सोहळा सोमवारी अत्यंत मंगलमय वातावरणात पार पडला. या सोहळ्यासाठी सोलापूर जिल्ह्यासह राज्याच्या विविध भागांतून भाविक मोठ्या संख्येने वेळापूर येथे दाखल झाले होते.
गुढीपाडव्याच्या सणापासून यात्रेला प्रारंभ होत असला तरी देवाच्या हळदी सोहळ्याने यात्रेचा खऱ्या अर्थाने शुभारंभ मानला जातो. सोमवारी दुपारी चारनंतर मंदिर परिसरात धार्मिक विधींना सुरुवात झाली. प्रारंभी अर्धनारी नटेश्वराला गरम पाण्याने व त्यानंतर गार पाण्याने विधिवत स्नान घालण्यात आले. त्यानंतर देवाचा मानाचा पोशाख गणेश सावता वसेकर यांनी आणून दिला. तो पोशाख देवाला परिधान करून त्यांच्या हस्ते विधिवत पूजा करण्यात आली.
यावेळी मंदिर परिसरात आकर्षक फुलांची सजावट करण्यात आली होती. देवाच्या दारात सुंदर रांगोळी काढण्यात आली होती. मंदिराच्या आत व बाहेर आकर्षक विद्युत रोषणाई करण्यात आल्याने संपूर्ण परिसर भक्तिमय वातावरणाने उजळून निघाला होता.
धार्मिक विधी गौरीहर गुरव, सतीश गुरव व रविराज गुरव यांनी पार पाडले. हळदी सोहळ्याच्या पारंपरिक मानाप्रमाणे पालकर परिवाराच्या वतीने पार्वती देवीला चूडा ठेवण्यात आला. यावेळी मोहन पालकर, मनीषा पालकर व अंजली शशिकांत पालकर यांनी महिलांना बांगड्या भरल्या. तसेच होडगे परिवाराच्या वतीने राधिका होडगे, अनिता होडगे, दिशा होडगे, अनुराधा होडगे, आशा बिले, अनुराधा पोरे व रतन होडगे यांनी महिलांना हळदी-कुंकू लावून त्यांची ओटी भरली.
अर्धनारी नटेश्वराची विधिवत पूजा झाल्यानंतर उपस्थित महिलांनी मोठ्या भक्तिभावाने देवाला तेल व हळद अर्पण केली. यावेळी देवाचे पुजारी असणाऱ्या गुरव कुटुंबातील पाच महिलांसह पं.स. सदस्या विमलताई उत्तमराव जानकर, जि.प. सदस्या मीनाक्षी मिलिंद सरतापे, सौ. सीमा खाडे, प्रियंका आडत, अर्चना गुरव, संजीवनी गुरव, अश्विनी गुरव, अर्चना उरणे, सोनाली गाढवे, अनिता बनसोडे, अश्विनी भानवसे, आधीश्री गाढवे, शिवानी गाढवे, राधिका होडगे, दिशा होडगे यांच्यासह हजारो महिलांनी देवाला हळद लावून भक्तीभाव व्यक्त केला.
यानंतर अर्धनारी नटेश्वराला मानाचा पोशाख परिधान करून आरती करण्यात आली. त्यानंतर उपस्थित भाविकांना माळी समाजाच्या वतीने महाप्रसादाचे वाटप करण्यात आले.
या हळदी सोहळ्याचे पोरोहित्य पुजारी गौरीहर गुरव, सतीश गुरव व रविराज गुरव यांनी केले. कार्यक्रमास प.स. सदस्या विमलताई जानकर, जि.प. सदस्या मीनाक्षी मिलिंद सरतापे, वेळापूरचे सरपंच रजनीश बनसोडे, उपसरपंच नानासाहेब मुंगुसकर, रिपाई (आठवले) माळशिरस तालुका अध्यक्ष मिलिंद सरतापे ,
यावेळी यात्रा कमिटीचे अध्यक्ष काशिनाथ आडत, उपाध्यक्ष अॅड. विठ्ठल मंडले, उपाध्यक्ष रणजीत साठे, कार्याध्यक्ष अमोल मंडलिक, खजिनदार दादा तुपे, सरचिटणीस विनायक भगत, सचिव अभिजीत साठे, सेक्रेटरी विजय पवार, सदस्य मनोहर माने तसेच महादेवभाऊ ताटे, सुरेश पिसे, धनंजय माने देशमुख, भागवत गायकवाड, कैलास सुरवसे, शंकर आडत, महादेव म्हेत्रे, शिवाजी सावंत, सावता मेहत्रे, शिवाजी मोहिते, गौरीशंकर गाढवे, संतोष मेहत्रे, युवराज मंडले, प्रदीप सरवदे, डॉ. धनंजय मेहत्रे, राहुल सराटे, अक्षय गाढवे आदींसह यात्रा कमिटीचे सदस्य, ग्रामपंचायत सदस्य व हजारो महिला भाविक उपस्थित होत्या.
यात्रोत्सवादरम्यान कायदा व सुव्यवस्था अबाधित राहावी यासाठी वेळापूर पोलीस स्टेशनचे प्रभारी अधिकारी आशिष कांबळे यांच्या मार्गदर्शनाखाली पोलीस बंदोबस्त चोख ठेवण्यात आला होता.
—————————————
अर्धनारी नटेश्वराच्या हळदी सोहळ्यावेळी देवाला हळद अर्पण करताना पं.स. सदस्या विमलताई जानकर, जि.प. सदस्या मीनाक्षी मिलिंद सरतापे, सीमा खाडे व इतर महिला भाविक.
