वैराग – गेल्या अनेक वर्षांपासून काँग्रेस पक्षाच्या विचारांशी एकनिष्ठ राहून, पक्षवाढीसाठी सातत्यपूर्ण कार्य करणाऱ्या वैराग परिसरातील क्रियाशील कार्यकर्त्या तेजस्विनी राजनसिंह मरोड यांची सोलापूर जिल्हा काँग्रेस कमिटीच्या उपाध्यक्षपदी नुकतीच नियुक्ती करण्यात आली आहे. सोलापूर जिल्हा काँग्रेस कमिटीचे अध्यक्ष सातलिंग शटगार यांच्या हस्ते त्यांना नियुक्तीचे अधिकृत पत्र प्रदान करण्यात आले.
सर्वसमावेशक नेतृत्वावर भर
काँग्रेस पक्षाची ध्येय-धोरणे, शिस्त आणि विचार सामान्यांपर्यंत पोहोचवण्यासाठी तेजस्विनी मरोड यांची ही निवड महत्त्वाची मानली जात आहे. ‘सर्वधर्मसमभाव, समता आणि बंधुता’ या मूल्यांतून राष्ट्रीय एकात्मता निर्माण करण्यासाठी त्या कटिबद्ध आहेत.
अखिल भारतीय काँग्रेस कमिटीचे राष्ट्रीय अध्यक्ष खासदार मल्लिकार्जुन खर्गे, जननायक खासदार राहुल गांधी, माजी केंद्रीय गृहमंत्री सुशीलकुमार शिंदे, महाराष्ट्र प्रदेश काँग्रेस कमिटीचे अध्यक्ष नाना पटोले (प्रभारी हर्षवर्धन सपकाळ) आणि सोलापूरच्या लोकप्रिय खासदार प्रणिती शिंदे यांच्या नेतृत्वाखाली पक्ष अधिक बळकट करण्यासाठी आपण कार्यरत राहणार असल्याचा विश्वास मरोड यांनी यावेळी व्यक्त केला.
दिग्गजांची उपस्थिती
नियुक्ती पत्र प्रदान करतेवेळी जिल्हाध्यक्ष सातलिंग शटगार यांच्यासह राजनसिंह मरोड आणि काँग्रेस पक्षाचे इतर प्रमुख पदाधिकारी व कार्यकर्ते मोठ्या संख्येने उपस्थित होते.
वैराग परिसरातून त्यांच्या या निवडीचे स्वागत होत असून, महिला संघटन आणि पक्ष बांधणीला यामुळे नवी उभारी मिळणार आहे. त्यांच्या निवडीबद्दल जिल्हाभरातून त्यांच्यावर अभिनंदनाचा वर्षाव होत आहे.
