सोलापूर – साखर पेठ येथील बाहुसार शिक्षण प्रसारक मंडळ संचलित हिंगुलांबिका प्राथमिक शाळेने चित्रकला स्पर्धेत घवघवीत यश संपादन केले आहे.
सोलापूर जिल्हा कलाध्यापक संघ, सोलापूर आयोजित विविध गटातील चित्रकला स्पर्धेमध्ये आयुष दीपक दंतकाळे तिसऱ्या गटात प्रथम क्रमांक, श्रेया दीपक हंचाटे दुसऱ्या गटात द्वितीय क्रमांक, जीविका दीपक चामनळी दुसऱ्या गटात तृतीय, व समृद्धी लखन जानकर तिसऱ्या गटात तृतीय क्रमांक पटकाविले आहे.
या विद्यार्थ्यांना रेवती क्षीरसागर यांचे मार्गदर्शन लाभले. त्याबद्दल बाहुसार शिक्षण प्रसारक मंडळाचे अध्यक्ष श्री बापू ढगे, सचिव श्री विजय पुकाळे यांनी अभिनंदन केले.
याप्रसंगी मुख्याध्यापक श्री प्रमोद हंचाटे, सहशिक्षिका सौ माधवी खमितकर विद्यानिकेतन प्रशालेचे ग्रंथालय प्रमुख श्रीधर महिंद्रकर, माजी लिपिक श्री सतीश हंचाटे यांची उपस्थिती होती.
