राजमाता अहिल्यादेवी होळकर मध्यवर्ती महामंडळ येथील मूर्तीचे पूजन
सोलापूर : पुण्यश्लोक राजमाता अहिल्यादेवी होळकर यांच्या जयंतीनिमित्त सोलापूर शहरातील चार हुतात्मा पुतळा चौक येथील पुण्यश्लोक राजमाता अहिल्यादेवी होळकर मध्यवर्ती महामंडळ येथे त्यांच्या मूर्तीस महापौर विनायक कोंड्याल यांच्या हस्ते पुष्पहार अर्पण करून अभिवादन करण्यात आले.
यावेळी महापौर कोंड्याल यांनी पुण्यश्लोक अहिल्यादेवी होळकर यांच्या कार्याचा गौरवपूर्ण उल्लेख करत त्यांच्या लोककल्याणकारी, न्यायप्रिय व विकासाभिमुख प्रशासनाचा आदर्श समाजाने जपावा. समाजहितासाठी केलेले त्यांचे योगदान आणि भारतीय संस्कृतीच्या जतनासाठी केलेले कार्य आजही प्रेरणादायी असल्याचे त्यांनी सांगितले.
या प्रसंगी सभागृह नेते नरेंद्र काळे, विनोद भोसले, नगरसेवक चेतन नरोटे, नगरसेविका संगीता जाधव, सागर भैया पिसे, उत्सव अध्यक्षा मनीषा माने, शशिकला कस्पटे तसेच नागेश खरात, बिरप्पा बंडगर, लखन गावडे, सोपान खांडेकर, राम वाकसे, राज बंडगर, सिंचू आदी मान्यवर उपस्थित होते.
