टेंभुर्णी येथील गॅस भडक्यात भाजलेल्या वडीलाचा अखेर मृत्यू
सोलापूर – घरामध्ये गॅस सिलेंडर च्या भडक्यात भाजून जखमी झालेल्या टेंभुर्णी येथील एका 35 वर्षीय तरुणाचा उपचारादरम्यान येथील शासकीय रुग्णालयात आज मंगळवारी पहाटे साडेतीन वाजता मृत्यू झाला .
दयानंद मोहन कावरे (वय 35 वर्ष ,रा टेंभुर्णी )असे त्या मयत तरुणाचे नाव असून सोमवार 25 मे रोजी सायंकाळी स्वयंपाक घरात गॅस सिलेंडर चा भडका उडाला होता . यात दयानंद कावरे यासह त्याची मुलगी गौतमी दयानंद कावरे ( वय 13 वर्षे ,दोघे राहणार टेंभुर्णी ) भाजून जखमी झाले होते . त्यांना एका खाजगी दवाखान्यात प्रथम उपचार करून येथील शासकीय रुग्णालयात रात्री अकरा वाजता मेव्हणा विशाल थोरात यांनी दाखल केले असता दयानंद याचा उपचारादरम्यान आज पहाटे मृत्यू झाला .
चालत्या दुचाकीवरून पडलेल्या महिलेचा अखेर मृत्यू
सोलापूर – चालत्या दुचाकीवरून पडून जखमी झालेल्या वाणी मळा येथील एका 55 वर्षीय महिलेचा उपचारादरम्यान येथील शासकीय रुग्णालयात आज मंगळवारी सकाळी साडेसहा वाजता मृत्यू झाला .
उमा कालिदास गुजरे (वय 55 वर्ष , रा . वाणी मळा , ता माळशिरस )असे त्या मयत महिलेचे नाव असून त्या 29 मे रोजी सायंकाळी अकलूज कडून माळशिरस कडे दुचाकीच्या मागे डबल सीट बसून निघाल्या असताना चक्कर येऊन खाली पडल्या होत्या .यात डोक्याला मार लागून त्या गंभीर जखमी झाल्या असता त्यांना एका खाजगी दवाखान्यात प्रथम उपचार करून येथील शासकीय रुग्णालयात भाचा शितल याने बेशुद्ध अवस्थेत दाखल केले असता त्यांचा उपचारादरम्यान आज सकाळी मृत्यू झाला .
