सोलापूर : एस.ई.एस. पॉलिटेक्निक सोलापूरचे कॅम्पस डायरेक्टर तथा माजी प्राचार्य प्रा. अतुल भावठणकर यांनी संस्थेतील तब्बल ४० वर्षांची प्रदीर्घ व उल्लेखनीय शैक्षणिक सेवा पूर्ण करून सेवानिवृत्त झाले. त्यानिमिमित्त निरोप समारंभ आयोजित करण्यात आला होता. यावेळी सर्व विभागांच्या वतीने प्रा. अतुल भावठणकर यांचा सत्कार करण्यात आला.
कार्यक्रमास संस्थेचे अध्यक्ष रणजित देसाई, सचिव ॲड. विजय मराठे, संचालक प्रशांत देगावकर, सदस्य राजीव देसाई, प्राचार्य एम. सी. पाटील, उपप्राचार्य विनील कोंगारी यांचेसह सर्व विभागप्रमुख, प्राध्यापक, कर्मचारी तसेच मान्यवर मोठ्या संख्येने उपस्थित होते. यावेळी प्राचार्य एम. सी. पाटील यांनी मनोगत व्यक्त करताना प्रा. भावठणकर यांच्या नेतृत्वगुणांचा, कार्यतत्परतेचा व संस्थेच्या विकासासाठी केलेल्या कार्याचा गौरव केला. अतुल चंदनशीवे यांनी प्रा. भावठणकर यांच्या मार्गदर्शनामुळे आपल्या आयुष्यात घडलेल्या सकारात्मक बदलांचा उल्लेख करत त्यांच्या मोलाच्या योगदानाबद्दल कृतज्ञता व्यक्त केली.
यावेळी ई अँड टीसी विभागप्रमुख पी. आर. नागणसुरे ,
रितेश मदने ,एन. एस. सुरवसे ,सिव्हिल अभियांत्रिकी विभागप्रमुख निलेश एखंडे , संस्थेचे अध्यक्ष रणजित देसाई व सचिव ॲड. विजय मराठे यांची भाषणे झाली. कार्यक्रमासाठी संदीप कुनूरकर, सूरज घेराडे, अविनाश यमपुरे, व्ही. व्ही. समर्थ व एम. एम. मदने यांनी परिश्रम घेतले.
