दिव्यांग प्रवाशाचा अपमान करणाऱ्या ‘त्या’ वाहकाची चौकशी करा; विभागीय नियंत्रकांचे पंढरपूर आगार व्यवस्थापकांना तात्काळ आदेश! 

पंढरपूर – एसटी बसमध्ये दिव्यांग व्यक्तीसाठी राखीव असलेल्या जागेचीमागणी केली असता जागा देण्यास नकार देत दिव्यांगाचा अपमान करणाऱ्या मुजोरवाहकाविरुद्ध आणि फोन बंद ठेवून बेजबाबदारपणा दाखवणाऱ्या आगार व्यवस्थापका विरुद्ध चौकशीचे आदेश देण्यात आले आहेत. महाराष्ट्र राज्य मार्ग परिवहन महामंडळाच्या सोलापूर विभागीय नियंत्रकांनी पंढरपूर आगार व्यवस्थापकांना याप्रकरणी तात्काळ सखोल चौकशी करून अहवाल सादर करण्याचे कडक आदेश जारी केले आहेत.

काटेवाडी (ता.मोहोळ) येथील सामाजिक कार्यकर्ते वैजिनाथ औदुंबर धेडे यांनी दि. २५ मे२०२६ रोजी पंढरपूर आगाराच्या बस क्रमांक (एम एच १४ बीटी ३३७५) मधून प्रवास करत असताना, एका दिव्यांग व्यक्तीसाठी राखीव असलेल्या आसनाची मागणी बसच्या वाहकाकडे केली होती. मात्र, संबंधित वाहकाने जागा उपलब्ध करून देण्यास तर नकार दिलाच, उलट दिव्यांगाबद्दल अनुद्गार काढून त्यांचा जाहीर अपमान केला. या गंभीर प्रकाराबाबत धेडे यांनी तात्काळ पंढरपूर आगार व्यवस्थापक आणि (एडब्ल्युएस) यांच्याशी फोनवरून संपर्क साधण्याचा प्रयत्न केला; मात्र त्यांचाफोन बंद होता व त्यांनी कॉल स्वीकारला नाही. त्यामुळे संबंधित प्रवाशाला कामती तेसोलापूर असा संपूर्ण प्रवास उभे राहून, प्रचंड मानसिक व शारीरिक त्रास सहनकरत करावा लागला.

या संतापजनक प्रकाराबाबत वैजिनाथ धेडेयांनी सोलापूर विभागीय कार्यालया कडे रीतसर तक्रार दाखल केली होती. या तक्रारीचीदखल घेत विभागीय नियंत्रकांनी धेडे यांना अधिकृत पत्र पाठवून झालेल्या त्रासाबद्दल रा.प.महामंडळातर्फे अधिकृतपणे दिलगिरी (माफी) व्यक्त केली आहे. तसेच संबंधित वाहक आणि बेजबाबदार अधिकाऱ्यांची चौकशी करून तात्काळ अहवाल सादर करण्याचे आदेश पंढरपूर आगार व्यवस्थापकांना दिले आहेत.

वैजिनाथ धेडे यांचा इशारा या संपूर्ण प्रकरणावर बोलताना सामाजिक कार्यकर्ते वैजिनाथ धेडे यांनी आगार व्यवस्थापक, पंढरपूर यांना स्पष्ट इशारा दिला आहे की, “या प्रकरणात मला तात्काळ पूर्ण न्याय मिळाला पाहिजे. जर प्रशासनाने केवळ कागदी घोडे नाचवून दोषींना पाठीशी घालण्याचा प्रयत्न केला, तर हा लढा येथेच थांबणार नाही. याविरुद्ध थेट परिवहन महामंडळाचे व्यवस्थापकीय संचालक (एमडी) , मुख्यमंत्री, परिवहन मंत्री यांच्याकडे दाद मागण्यात येईल. तसेच विभागीय नियंत्रक (डीसी) दालनात तीव्र आंदोलन, उपोषण करण्यात येईल आणि दोषींना थेट कोर्टात खेचले जाईल.”यांची दक्षता घ्या.

या संपुर्ण प्रकरणा संदर्भात माहि
तीजाणून घेण्यासाठी किंवा वाहक आणि आगार व्यवस्थापक यांची बाजू जाणून घेण्यासाठी पंढरपूरआगार व्यवस्थापक योगेश लिंगायत यांच्याकडे विचारणा केली असता त्यांनी सांगितले की,या बाबतचा अहवाल आपण गुरुवारी वरिष्ठांकडे सादर करणार आहोत. दरम्यान त्या दिवशी संबंधितएसटीबस मध्ये एकुण चार दिव्यांग प्रवासी प्रवास करीत होते. त्यामुळे तीन दिव्यांग प्रवाशांनाबसच्या वाहकाने अगोदरच जागा उपलब्ध करुन दिलेली होती. बस मधील इतर प्रवाशांची तिकीटकाढण्याचे काम करुन तो पाठीमागून पुढे येवून संबंधित चौथ्या दिव्यांग प्रवाशाला देखीलत्यांनी पुढे जागा उपलब्ध करुन दिली असल्याची माहिती आपणाला संबंधीत बसच्या वाहकानेदिल्याची माहिती आगार व्यवस्थापकांनी सांगितली. दरम्यान आपल्या बंद असलेल्या भ्रमणध्वनीसं
दर्भात आगार व्यवस्थापकाने सांगितले की, आपला भ्रमणध्वनी रात्रंदिवस प्रवाशांच्यासोयीसाठी किंवा प्रवाशांच्या अडचणी दूर करण्यासाठी सुरु असतो. त्यामुळे संबंधित तक्रारदारांनीफोन केला तेव्हा त्यावेळी आपल्या भ्रमणध्वनी मध्ये काहीतरी तांत्रिक अडचण आली असेल.बऱ्याच वेळा अशा तांत्रिक अडचणीमुळे भ्रमणध्वनी लागत नाही त्याला आपण कोणीच काही करुशकत नाही. त्यामुळे तो काही आपण मुद्दाम बंद करुन ठेवला असा तर्क काढणे चुकीचे आहेअसे देखील आगारप्रमुख योगेश लिंगायत यांनी दैनिक सोलापूर तरुणभारतशी बोलताना सांगितले.