अखिल भारतीय मराठी चित्रपट महामंडळाच्या आगामी निवडणुकीच्या पार्श्वभूमीवर “महामंडळ बचाव अपक्ष संघ (तिसरी आघाडी)”ची स्थापना करण्यात आली असून, भ्रष्टाचारमुक्त, पारदर्शक आणि सभासदकेंद्रित कारभारासाठी ही आघाडी निवडणुकीच्या रिंगणात उतरली आहे.
आघाडीच्या पदाधिकाऱ्यांनी दिलेल्या माहितीनुसार, महामंडळातील वाढता भ्रष्टाचार, अंतर्गत वाद, न्यायालयीन प्रकरणे आणि अपारदर्शक कारभारामुळे सभासदांचा संस्थेवरील विश्वास कमी झाला आहे. हा विश्वास पुन्हा निर्माण करण्यासाठी तसेच सर्वसामान्य सभासदांच्या प्रश्नांना न्याय देण्यासाठी अपक्ष उमेदवारांनी एकत्र येत तिसरी आघाडी स्थापन केली आहे.
या आघाडीत चित्रपटसृष्टीतील विविध क्षेत्रांमध्ये अनेक वर्षे कार्यरत असलेल्या अनुभवी व्यक्तींचा समावेश आहे. मात्र निवडणुकीच्या राजकारणात हे उमेदवार नवे चेहरे असल्याचे सांगण्यात आले. कोणत्याही गटाच्या किंवा मोठ्या पॅनलच्या प्रभावाखाली न राहता स्वतंत्र आणि लोकाभिमुख कारभार करण्याचा निर्धार आघाडीने व्यक्त केला आहे.
महामंडळ बचाव अपक्ष संघ (तिसरी आघाडी)चे उमेदवार व निवडणूक चिन्हे पुढीलप्रमाणे :
अमोल अरविंद भावे (दिग्दर्शक विभाग) – फेटा
संतोष मारुत्तीराव शिंदे (अभिनेता विभाग) – मोरपीस
अवधुत मनोहर जोशी (दिग्दर्शक विभाग) – गिटार
मनोज उदयसिंह मराठे (निर्मिती व्यवस्था विभाग) – मोटारगाडी
शरद निवृत्ती लोणकर (प्रसिद्धी विभाग) – तबला
महादेव यशवंत शिरोळकर (निर्माता विभाग) – शिट्टी
मानसिंग परशुराम कदम (निर्माता विभाग) – छत्री
उल्हास भालचंद्र नांद्रे (कलादिग्दर्शक विभाग) – पाटी
सभासदांनी सकारात्मक बदलासाठी आणि पारदर्शक, लोकाभिमुख महामंडळाच्या निर्मितीसाठी तिसऱ्या आघाडीच्या उमेदवारांना पाठिंबा द्यावा, असे आवाहन आघाडीच्या वतीने करण्यात आले आहे. “महामंडळ हे सर्व सभासदांचे आहे, काही मोजक्या व्यक्तींचे नाही,” अशी भूमिका यावेळी आघाडीने मांडली.
‘लास्ट स्टॉप खांदा’ चित्रपटाचा दमदार ट्रेलर लाँच ; २१ नोव्हेंबरला प्रेक्षकांच्या भेटीला
सोलापूर - सध्या जोरदार चर्चेत असलेल्या 'लास्ट स्टॉप खांदा...' या चित्रपटातून प्रेमाचा इमोशनल, कॉमेडी ड्रामा उलगडणार आहे.उत्तम लेखन,अभिनय,संगीत असलेला,पुरेपूर मनोरंजन...
