सोलापूर – शहर गुन्हे शाखेच्या पोलीस पथकाने एका सराईत चोरट्याला अटक करून शेळगी भागात तीन दिवसांपूर्वी घरफोडी करून चोरलेले दोन लाख रुपये किमतीचे सोन्या चांदीचे दागिने हस्तगत केले आहेत .
हर्षद गुलाब पवार (वय 32 वर्षे, रा. फ्लॅट नं. 16, बांदल हाईटस् बिल्डींग, निकटे वस्ती, घोटवडे फाटा, पिरंगुट, ता. मुळशी, जि. पुणे ) असे अटक करण्यात आलेल्या त्या चोरट्याचे नाव आहे .
शेळगी भागातील गौरी अपार्टमेंट मधून दि.24 ते दि. 26 जून रोजी दुपारी दरम्यान अज्ञात चोरट्याने बंद घराचे कुलूप तोडून कपाटामधील सुमारे 37 ग्रॅम सोन्याचे व 40 ग्रॅम चांदीचे दागिने चोरून नेले होते . याबाबत जोडभावी पेठ पोलीस ठाण्यात गुन्हा दाखल करण्यात आला होता .
सदर गुन्ह्याचे गांभीर्य ओळखुन शहर गुन्हे शाखेचे वरिष्ठ पोलीस निरीक्षक अरविंद माने यांनी गुन्हे शाखेकडील पोलीस अधिकारी व अंमलदार यांना सदर गुन्हा उघडकीस आणणेच्या अनुषंगाने सोलापूर शहरातील वेगवेगळया ठिकाणचे सी.सी.टी.व्ही फुटेज, तांत्रीक विश्लेषण व गोपनिय बातमीदारांकडून माहिती प्राप्त करण्याबाबत योग्य मार्गदर्शन केले होते.
त्याप्रमाणे गुन्हे शाखेकडील फौजदार मनोज मोरे व त्यांचे तपास पथकाने घटनास्थळी भेट दिली होती. त्यांनी गुन्ह्याचे घटनास्थळावरील व आजुबाजुच्या परिसरातील सुमारे 200 सी.सी.टी.व्ही. फुटेजची पाहणी केली असता पोलीस अंमलदार अजिंक्य माने यांनी सी.सी.टी.व्ही. फुटेजच्या आधारे आरोपीची ओळख पटविली. दिनांक 29/06/2026 रोजी नमूद तपास पथकास गोपनिय बातमीदार मार्फत खात्रीशीर माहिती मिळाली की नमूद गुन्ह्यातील आरोपी हा हैदराबाद रोडवरील मार्केट यार्डचे पुढील बाजुस, जनावरांच्या दवाखान्यासमोर येथील परिसरामध्ये फिरत आहे. त्याप्रमाणे पोलिसांनी संबंधित ठिकाणी जावुन वरील आरोपीस ताब्यात घेतले. त्याची अंगझडती घेतली असता त्यामध्ये गौरी अपार्टमेंट, बलदवा नगर, शेळगी, सोलापूर येथून चोरी केलेले 37 ग्रॅम सोन्याचे व 40 ग्रॅम चांदीचे दागिने व गुन्हा करण्याकरिता वापरलेले हत्यार (कटावणी) मिळुन आल्याने ते पंचासमक्ष जप्त करण्यात आले आहे.
अशा प्रकारे शहर गुन्हे शाखेकडील पोलिसांनी सी.सी.टी.व्ही. फुटेज, तांत्रिक माहितीच्या आधारे दिवसा घरफोडीचा गुन्हा अवघ्या 3 दिवसात उघडकीस सुमारे 37 ग्रॅम वजनाचे सोन्याचे दागिने व 40 ग्रॅम वजनाचे चांदीचे दागिने असा एकूण 2 लाख 8 हजार रुपये किंमतीचा मुद्देमाल जप्त केला आहे.
सदरची कामगिरी शहर गुन्हे शाखेचे वरिष्ठ पोलीस निरीक्षक यांचे मार्गदर्शनाखाली पोलीस उप-निरीक्षक मनोज मोरे व त्यांचे तपास पथकातील पोलीस अंमलदार जावेद जमादार, अजिंक्य माने, धिरज सातपुते, सुभाष मुंढे, वसिम शेख, काशिनाथ वाघे, अभिजित धायगुडे, सैपन सय्यद व सायबर पोलीस स्टेशन कडील पोलीस अंमलदार प्रकाश गायकवाड, मच्छिंद्र राठोड, चालक चालक सतिश सतिश काटे, शाम सुरवसे, मारुती घोरपडे यांनी पार पाडली आहे.
