BIGCE महाविद्यालयात भारताचे माजी राष्ट्रपती, महान तत्त्वज्ञ आणि शिक्षणतज्ज्ञ डॉ. सर्वपल्ली राधाकृष्णन यांच्या जयंतीनिमित्त शिक्षक दिन उत्साहात साजरा करण्यात आला. शिक्षकांप्रती आदर व कृतज्ञता व्यक्त करण्यासाठी आयोजित करण्यात आलेल्या या कार्यक्रमाला महाविद्यालयातील शिक्षक, शिक्षकेतर कर्मचारी व विद्यार्थ्यांचा उत्स्फूर्त प्रतिसाद लाभला.
कार्यक्रमास महाविद्यालयाचे Chairman Er. Ravindra Gaikwad Sir, Secretary Mrs. Anamika Gaikwad, Principal Dr. Anil Deshmane, Academic Dean Prof. A. A. Perampalli, TPO Prof. Abidhusan Makandar Sir तसेच वरिष्ठ प्राध्यापक Dr. Sanjiv Bhosle यांची प्रमुख उपस्थिती होती. कार्यक्रमाचे समन्वयक CSE विभागप्रमुख Prof. Anand Gyanbote होते.
कार्यक्रमाच्या सुरुवातीला शिक्षक दिनाचे महत्त्व विशद करण्यात आले. यावेळी प्राचार्य Dr. Anil Deshmane, कार्यक्रम समन्वयक Prof. Anand Gyanbote तसेच काही विद्यार्थ्यांनी शिक्षक दिनानिमित्त आपले मनोगत व्यक्त केले. आपल्या भाषणातून त्यांनी शिक्षकांचे विद्यार्थ्यांच्या जीवनातील महत्त्व, शिक्षक-विद्यार्थी नाते तसेच शिक्षणाच्या माध्यमातून विद्यार्थ्यांच्या सर्वांगीण विकासावर प्रकाश टाकला.
BIGCE MIS Portal चे उद्घाटन
कार्यक्रमाचे विशेष आकर्षण म्हणजे BIGCE College MIS Portal चे उद्घाटन. महाविद्यालयातील शैक्षणिक व प्रशासकीय प्रक्रिया अधिक सुलभ, गतिमान आणि डिजिटल करण्याच्या उद्देशाने हे पोर्टल विकसित करण्यात आले आहे.
हे BIGCE MIS Portal Final Year चा विद्यार्थी Kartik Kothalkar यांनी विकसित केले आहे. महाविद्यालयाच्या डिजिटल परिवर्तनाच्या दिशेने हे एक महत्त्वाचे पाऊल असून, तंत्रज्ञानाचा प्रभावी वापर करून महाविद्यालयीन कामकाज अधिक कार्यक्षम करण्याच्या दृष्टीने या उपक्रमाचे महत्त्व अधोरेखित करण्यात आले.
कार्यक्रमाच्या आयोजनात Student Coordinators Kartik Kothalkar व Aditya Biradar यांनी महत्त्वाची भूमिका बजावली.
कार्यक्रमाचे सूत्रसंचालन द्वितीय वर्षाच्या विद्यार्थिनी Krishna Nirmal व Umera Chaous यांनी प्रभावीपणे केले. त्यांच्या उत्स्फूर्त व आत्मविश्वासपूर्ण सूत्रसंचालनामुळे कार्यक्रमाला विशेष रंगत आली.
शिक्षक दिनानिमित्त आयोजित या कार्यक्रमामुळे शिक्षक व विद्यार्थ्यांमध्ये आपुलकीचे आणि आनंदाचे वातावरण निर्माण झाले. कार्यक्रमाच्या यशस्वी आयोजनासाठी महाविद्यालयातील सर्व शिक्षक, शिक्षकेतर कर्मचारी व विद्यार्थ्यांनी सहकार्य केले.
