पंढरपूर – सध्या सगळीकडे उष्णतेचा पारा चढताना दिसून येत आहे. सुर्यनारायण अक्षरश: आग ओकतात की काय अशी परिस्थितीनिर्माण झालेली आहे. अनेक ठिकाणी पारा चाळीसी पार झालेला आहे. काही ठिकाणी तर तो ४२ते ४३ अंशावर पोहचल्याचे दिसत आहे. पंढरपूरात देखील उन्हाच्या तीव्रतेत प्रचंड वाढझालेली आहे. अशा उन्हाच्या तीव्रतेतच तिर्थक्षेत्र पंढरी मध्ये अधिक मासा निमित्त भाविकांची दररोज तोबा गर्दी वाढत आहे. सहाजिकच या वाढत्या उन्हाचा भाविकांना कमालीचा त्रास जाणवितआहे. अनेक भाविक विठ्ठल रुक्मिणी मंदिर परिसरात पादत्राणे किंवा चप्पला घालणे टाळतात.त्यामुळे भाविक सहाजिकच अनवाणी पायांनी मंदिर परिसरात फिरत असतात. अशा भाविकांना उन्हाच्यात्रासापासून थोडाफार दिलासा मिळावा यासाठी एक अभिनव शक्कल पंढरपूरचे रँचो म्हणून ओळखल्या जाणाऱ्या वरद आणि सृष्टी बडवे या भावाबहिणींनीलढवून अनवाणी पायांनी फिरणाऱ्या भाविकांना थोडासा दिलासा देण्याचा प्रयत्न केला आहे.
पंढरपूरचे रँचो अर्थात वरद आणि सृष्टी यांचे निवासस्थान मंदिर परिसरातच आहे. मंदिर परिसरातील ‘पा.तू. उत्पात गल्ली’ येथून अनेक लहान मुले, भाविक आणि वृद्ध नागरिक श्री विठ्ठलाच्या दर्शनासाठी नेहमीच जात असतात. वाहतूकीच्या समस्येमुळे पोलिसांच्या नियमानुसार अनेकदा भाविकांना आपल्या चारचाकी गाड्या खूप लांब पार्क कराव्या लागतात. या बरोबरच अनेक वारकरी किंवा भाविकांचा मुक्काम असणारे मठ देखील मंदिरा पासून दूर अंतरावर असतात. सध्याच्या कडक उन्हामुळे अनवाणी चालताना वारकरी भाविकांच्या पायाला असह्य चटके बसतात. उन्हाचाअनवाणी पायांना खूपच त्रास होतो. हे वरद आणि सृष्टी यांच्या लक्षात आले. त्यामुळे निर्माण होणाऱ्या या समस्येवर तोडगा काढण्यासाठी त्यांचे आपापसात विचारमंथन सुरु झाले. या विचारमंथनातून अचानक त्यांना एक युक्ती सुचली. ती युक्ती म्हणजे बाजारात पेरूच्या सुरक्षेसाठी जे पांढरे फोमचे जाळीदार कव्हर (नेट) वापरले जाते, विक्रेते सहसा ते रस्त्यावर फेकून देताना दिसतात.
वरद आणि सृष्टी यांनी अशा फळे विक्रेत्यांच्या भेटी घेऊन ” फळांचे हे कव्हर्स रस्त्यावर फेकून न देता, ते आम्हाला द्या” असे त्यांना सांगितले. त्यांनी गोळा करून दिलेली ही कव्हर्स वरद आणि सृष्टींनी जमा केली. आता जेव्हा भाविक या कडक उन्हात मंदिर परिसरातील रस्त्यावरून येजा करतात, तेव्हा हे कव्हर त्यांना पायात घालण्यासाठी (मोज्यांसारखे) देत आहेत. जेणेकरून त्यांच्या पायाला उन्हाचे चटके बसणार नाहीत. हे कव्हर देताना त्यांच्याकडून भाविकांना एक विनंती आवर्जून केली जात आहे की, “याचा वापर झाल्यानंतर हे कव्हर कचरापेटीत (डस्टबिनमध्ये) नक्की टाका”, जेणेकरून मंदिर परिसरात कुठेही कचरा होणार नाही आणि मंदिर परिसराची स्वच्छता देखील राखली जाईल. अशा प्रकारे कचरा व्यवस्थापन आणि भाविकांची सेवा या दोन्ही गोष्टी एकत्रसाधण्याचा त्यांचा हा एक प्रामाणिक प्रयत्न असल्याचेत्यांच्या या अभिनव प्रयोगाव्दारे दिसून येत आहे.
——————-
चौकट : ( वृक्षारोपण आणि संवर्धनाचे
देखील करतात काम )
देखील करतात काम )
दरम्यान भाविकांची सावलीची गरज लक्षा
त घेऊन,वरद सृष्टीबडवे यांनी गेल्या वर्षीच घराच्या बाजूला (दारात) वारकऱ्यांना सावली मिळावी म्हणूनझाडेसुद्धा लावली आहेत. ज्यांचा उपयोग भाविकांना आताविश्रांतीसाठी होत आहे. वृक्षलागवडी बरोबरचवृक्षसंवर्धनासाठी देखील त्यांचा नेहमीच प्रयत्न असतो. इतरांनीही झाडे लावावितयासाठी त्यांची नेहमीजनजागृती मोहिम देखील सुरुअसते.
