ट्रिपल सीट दुचाकीला अपघात -एक गंभीर जखमी ; दुचाकीस्वारावर गुन्हा दाखल
सोलापूर – ट्रिपल सीट दुचाकी सिमेंट कठड्याला धडक देऊन एकास गंभीर जखमी केल्याप्रकरणी एका दुचाकी स्वारा विरुद्ध फौजदार चावडी पोलीस ठाण्यात गुन्हा दाखल करण्यात आला आहे .
अंकुर गजेंद्र काळे (रा- १३३ बनशंकरी नगर जुळे सोलापूर ) असे गुन्हा दाखल करण्यात आलेल्या आरोपीचे नाव असून याबाबत पौर्णिमा विनोद चव्हाण (रा-से. फ्रि कॉलनी नं १ वांगी रोड सोलापूर ) यांनी फिर्याद दिली आहे .
यातील फिर्यादी व चुलत भाऊ अंकुर आणि यातील अरोपी मिळून दुचाकी (क्र एमएच १३ ई डल्ब्लयू ८४१४ ) वरून दि ८ एप्रिल२०२६ रोजी केगाव ते राहते घराकडे येत असताना ६ वा चे सुमारास मडकी वस्ती येथे आले असता आरोपीने दुचाकी निष्काळजीपणाने जास्त वेगाने चालविल्यामुळे त्याचे गाडीवरील ताबा सुटुन गाडी रोडचे सिमेंटचे कठवड्याला आदळून अपघात झाला . यात फिर्यादीच्या डोक्याला मार लागून गंभीर दुखापत होणेस आरोपी हा कारणीभूत झाल्याचे फिर्यादीत म्हंटले आहे. पोलीस हवालदार गायकवाड हे गुन्ह्याचा पुढील तपास करीत आहेत .
किसान नगरात मटन कापण्याच्या चाकूने हल्ला – तिघे मित्र जखमी
सोलापूर – मटन कापण्याच्या चाकूने वार करून तिघा मित्रांना जखमी केल्याप्रकरणी एमआयडीसी पोलीस ठाण्यात एका विरुद्ध गुन्हा दाखल करण्यात आला आहे.
देविदास लक्ष्मण इरकल (रा-मल्लिकार्जुन नगर सोलापूर ) असे गुन्हा दाखल करण्यात आलेल्या आरोपीचे नाव असून याबाबत विशाल सुदर्शन काशीद ( रा-किसान संकुल सोलापूर ) यांनी फिर्याद दिली आहे .
यातील फिर्यादीस मित्र शाहरूख याने फोन करून कळविले की मित्र दिलीप रोडगे व शुभम थळंगे यांचे बरोबर यातील अरोपीचे भांडण चालू आहे .त्याप्रमाणे फिर्यादी हा दि २३ मे रोजी ४.३० वा. चे सुमारास किसान नगर येथे जावून त्याचे भांडण सोडवित असताना अरोपीने फिर्यादीस शिवीगाळ करून उजवे बरगडी जवळ त्याचे हातातील मटण कापण्याचे चाकून मारले, तसचे दिलीप याला ओठाजवळ मारून जखमी केले तसेच शुभम यांस डावे बगलेजवळ मारून जखमी केल्याचे फिर्यादीत म्हटले आहे. सहाय्यक फौजदार ओव्हळ हे गुन्ह्याचा पुढील तपास करीत
आहेत .
