पंढरपूर – तीर्थक्षेत्र पंढरपूर शहराच्या सर्वांगीण विकासाला गतीदेण्यासाठी आणि नगरपालिके पुढील आर्थिक आव्हाने पेलण्यासाठी पालकमंत्री जयकुमारजीगोरे व आमदार समाधान आवताडे यांच्या नेतृत्वाखाली उपनगराध्यक्ष व नगरसेवकांच्या शिष्टमंडळाने राज्याचे मुख्यमंत्री देवेंद्र फडणवीस यांची भेट घेतली.यावेळी शहराच्या प्रलंबित प्रश्नांबाबत सविस्तर चर्चा करून विविध मागण्यांचे निवेदनही सादर करण्यात आल्याची माहिती पालिकेचे उपनगराध्यक्ष महादेव धोत्रे यांनी दिली.
मुख्यमंत्र्यांच्या भेटी संदर्भात माहिती देताना उपनगराध्यक्ष धोत्रे यांनी सांगितले की, शहरातील नामसंकीर्तन सभागृह आणि उद्यानांचे नूतनीकरण पंढरपूर शहराच्या सौंदर्यीकरणासाठीजुन्या उद्यानांचे नूतनीकरण करून ती विकसित करण्याची गरज आहे. तसेच, भाविक आणिस्थानिकांसाठी महत्त्वपूर्ण असलेल्या ‘नामसंकीर्तन सभागृहाचे काम अंतिमटप्प्यात आहे. या कामासाठी उर्वरित २२ कोटींचा निधी तातडीने वितरित करावा, जेणेकरून येत्याआषाढी वारीत या वास्तूचे लोकार्पण करता येईल, असे नियोजन शिष्टमंडळाने मांडले. या बरोबरच प्रलंबित रस्ते आणि निधीचा प्रश्न पंढरपूर शहरातीलअनेक भागांत रस्त्यांची कामे रखडलेली असून, या सर्व उर्वरित रस्त्यांचा ‘सविस्तर प्रकल्पअहवाल’ (DPR) तातडीने मंजूर करून या कामांना भरघोस निधी उपलब्ध करूनद्यावा, अशी आग्रही मागणी यावेळी करण्यात आली. थकीत वीज बिल माफीआणि सोलर प्रकल्प नगरपालिकेचे वीज बिल मोठ्या प्रमाणावर थकीत असून, यामुळे पालिकेचीआर्थिक कोंडी झाली आहे. हे थकीत वीज बिल माफ करावे आणि भविष्यातील बिलांचा बोजाकमी करण्यासाठी शहरात विशेष अनुदानातून सोलर सिस्टीम बसवावी, असे निवेदनातनमूद केले आहे.
या शिष्टमंडळात उपनगराध्यक्ष महादेव धोत्रे, माजी नगराध्यक्ष लक्ष्मणराव शिरसट, युवानेते प्रणवपरिचारक, गटनेते भागवत बडवे, सुजितकुमार सर्वगोड, पाणीपुरवठा सभापती अमोल डोके, नगरसेवक ॲड.सुनील वाळूजकर, धर्मराज घोडके, भाजपाशहराध्यक्ष रोहित पानकर, तालुकाध्यक्ष सुभाष मस्के, गुरुदास अभ्यंकर,मालोजी शेंबडे,नवनाथ रानगट, आदींचा समावेश होता.
———————–
प्रशासकीय अडथळ्यांबाबत तक्रार
उपनगराध्यक्ष महादेव धोत्रे
यांनी यावेळी विकासकामातील राजकीय अडथळ्यांकडेही लक्ष वेधले.”माजी आमदार प्रशांतराव परिचारक व आमदार समाधान आवताडे यांच्या नेतृत्वाखालीशहरात मोठी कामे सुरू आहेत. मात्र, नगराध्यक्षांकडून जाणीवपूर्वकविकासकामांत अडथळे निर्माण केले जात आहेत. “पंढरपूर शहरात पूर्ण झालेल्याविकासकामांची देयक बिले अदा करण्यासाठी नगराध्यक्षाकडून टक्केवारीची मागणी केलीजात असून, आर्थिक तडजोडीसाठी ठेकेदारांची जाणीवपूर्वक अडवणूक केलीजात आहे, अशी तक्रार शिष्टमंडळाने मुख्यमंत्र्यांकडे केली.”
——————
कॉरिडॉर बाबत स्थानिकांच्या हिताला प्राधान्य
पंढरपूर मंदिर परिसरातील नियोजितकॉ
रिडॉर प्रकल्पाबाबत स्थानिकांमध्ये मोठी चिंता आहे. हा प्रकल्प राबवताना स्थानिकनागरिक आणि व्यापाऱ्यांना पूर्णपणे विश्वासात घ्यावे. कोणावरही अन्याय होऊ न देतालोकहिताचा विचार करूनच पावले उचलावीत, अशी भूमिका मुख्यमंत्र्यांकडेस्पष्ट करण्यात आली.
——————
नगरपालिकेच्या भव्य प्रशासकीय इमारतीसाठी निधीची मागणी
पंढरपूर नगरपालिकेची सध्याची इमारत अपुरी पडत असून, कामकाजाच्यासोयीसाठी नवीन आणि अद्ययावत ‘प्रशासकीय इमारत’ उभारण्याची गरज आहे. या इमारतीसाठीमाजी आमदार प्रशांत परिचारक आणि आमदार समाधान आवताडे यांनी यापूर्वीच शासनाकडेपाठपुरावा करून निधीची मागणी केली आहे. याच मागणीचा पुनरुच्चार करत, शहराच्या वैभवातभर टाकणाऱ्या या प्रशासकीय इमारतीसाठी आवश्यक असलेला निधी तातडीने मंजूर करावा, अशी विनंतीशिष्टमंडळाने मुख्यमंत्र्यांना केली.
—————–
शासन सकारात्मक पावले उचलणार : मुख्यमंत्री
मुख्यमंत्री फडणवीस यांनी सर्व मागण्या गांभीर्याने ऐकून घेतल्या असून, पंढरपूरच्या विकासासाठी शासन सकारात्मक पावले उचलणार असल्याचे आश्वासन दिल्याची माहिती देखील उपनगराध्यक्ष धोत्रे यांनी दिली.
