माढा : जिल्हा परिषद पंचायत समितीच्या निवडणुकीची मतमोजणी माढ्यातच घेतली पाहिजे ही मागणी पुढे आली असुन माढ्याच्या नगराध्यक्षा ॲड मीनल साठे आणि संभाजी ब्रिगेडचे दिनेश जगदाळे यांनी दोन वेगवेगळ्या निवेदनाद्वारे निवडणूक निर्णय अधिकारी यांच्याकडे केली आहे.
गेल्या दोन विधानसभा निवडणुकी पासून जागेची अडचण पुढे करून मतमोजणी ही पणन महामंडळाचे गोदामात कुर्डूवाडी येथे होत आहे या ठिकाणी होत असलेल्या मतमोजणीस माढेकरांचा विरोध आहे कारण या प्रकारातून माढ्याचे महत्त्व कमी करण्याचे प्रयत्न प्रशासन करत आहे अशी माढेकरांची भावना आहे
माढा हे तालुक्याचे ठिकाण असून या ठिकाणी पहिल्यापासूनच जिल्हा परिषद पंचायत समिती निवडणुकीची मतमोजणी होत आलेली आहे. परंतु या वेळी मतमोजणी इतरत्र होण्याचे संकेत मिळत असल्याने या गोष्टीचा तीव्र निषेध व्यक्त करत निवडणुकीची मतमोजणी माढ्यातच घेण्यासाठी माढा नगरपंचायतच्या नगराध्यक्षा अॅड मीनलताई साठे व संभाजी ब्रिगेड यांच्या वतीने वेगवेगळी दोन निवेदन माढा करमाळाच्या उपविभागीय अधिकारी जयश्री आव्हाड व तहसीलदार तथा सहाय्यक निवडणूक निर्णय अधिकारी शिल्पा ठोकडे यांना देण्यात आले आहे. त्या निवेदनात असे म्हटले आहे की. आगामी होत असलेल्या जिल्हा परिषद पंचायत समिती निवडणुकीची मतमोजणी ही पहिल्यापासून माढा शहरातच होत आहे.
परंतु आता ही मतमोजणी इतरत्र हलवण्याचा घाट प्रशासनाने घातला असल्याचे कळते आहे तरी माढा शहरासह परिसरातील जनतेच्या भावनांचा विचार करून ही मतमोजणी माढा येथे घेण्याची मागणी करण्यात आली आहे. आमची मागणी मान्य न झाल्यास या गोष्टीसाठी आम्ही रस्त्यावर उतरून तीव्र आंदोलन करणारा इशारा देण्यात आला आहे यावेळी नगराध्यक्षा अॅड मीनल साठे उपनगराध्यक्षा कल्पना जगदाळे संभाजी ब्रिगेडचे दिनेश जगदाळे, देविदास खरात, नाना साठे, उमेश साठे, वेदांत साठे, सचिन साबळे, सुधीर लंकेश्वर, मुन्ना बागवान, रमेश थोरात, रवी जगदाळे, प्रशांत जाधव आदी उपस्थित होते.
