अक्कलकोट – दुधनी – अक्कलकोट रस्त्यावरील रुद्देवाडी गावाजवळील बस स्टॉप समोर एस टी बस ( क्र . एम एच १ ३ सी यु ८ ३ ३ ९ ) व डंपर (क्र . एम एच ०७ ए यु ३९ ६० ) या वाहनांची सोमवारी धडक झाली . या भीषण अपघातात २ जण जागीच ठार झाले तर ८ जण जखमी झाल्याची घटना सोमवारी दुपारी १२ वाजण्याच्या सुमारास घडली. या घटनेची नोंद दक्षिण पोलिस ठाण्यात झाली आहे.
एसटी बस आणि डंपरच्या भीषण अपघातामध्ये चंद्रकला लाडाप्पा हडपद ( वय १६ वर्षे रा. चिक्केहळ्ळी ता. अक्कलकोट ) व चांगदेव श्रीरंग लवटे ( वय ७८ वर्षे रा डुक्करवाडी पोस्ट सुकटा ता भूम जि धाराशिव ) हे जागीच ठार झाले तर मनोज मधुकर उगले ( वय ३१ वर्षे रा वाशिम ) शिवानंद चंद्रकांत बजे ( वय ४० वर्षे रा.सदलापूर ता अक्कलकोट ) लाडाप्पा मल्लप्पा हडपद (वय ३९ वर्षे रा चिक्केहळ्ळी ) अमिना इब्राहिमसाब ओतीहाळ (वय ५० वर्षे रा माशाळ ) विठ्ठल मनोज उगले (वय ४ वर्षे रा वाशिम ) गजानन पंडीत कोलंदरे ( वय १६ वर्षे रा वाशिम ) निकीता पंडीत कोलंदरे ( वय १८ वर्षे रा वाशिम ) प्रियंका लाडाप्पा हडपद ( वय ११ वर्षे रा चिकेहळ्ळी ) हे बसमधील प्रवासी जखमी झाले आहेत.
गाणगापूर बस ही दुधनी ते अक्कलकोट जाणारे रुद्देवाडी बसस्टॉपचे जवळ आली असता समोरुन येणारे टाटा मोटार कंपनीचे डंपर MH- o७ AJ- ३९६० चालक अजयकुमार अर्जुन यादव ( रा पद्मा जि पलामू राज्य झारखंड ) याने त्याचे स्वताचे ताब्यातील वाहन निष्काळजीपणे व वेडीवाकडी भरधाव वेगाने चालवुन बसला उजवे बाजूने धडक देवुन बस चालक व बसमधील प्रवासी यांना गंभीर व किरकोळ जखमी केले. या घटनेची फिर्याद ज्योतीराम दिलीप चव्हाण ( वय ३९ वर्षे, व्यवसाय- एसटी चालक रा. डिकसळ ता. कळंब जि. धाराशिव ) यांनी दिली असून पुढील तपास सपोनि माने हे करत आहेत.
