वैराग – दिवाळीच्या तेजोमय आणि मांगल्याच्या पर्वात भारतीय संस्कृतीची समृद्ध परंपरा जपण्यासाठी ‘एकता महिला मंच’च्या वतीने ‘सेल्फी विथ पणती’ या सुंदर आणि अनोख्या विशेष उपक्रमाचे आयोजन करण्यात आले आहे. ग्रामीण भागातील महिलांचा उत्साह वाढवणे आणि सण-उत्सवाच्या आनंदाला डिजिटल व्यासपीठ मिळवून देणे हा या उपक्रमाचा मुख्य उद्देश आहे.
दिवाळीच्या दिवसांत घरासमोर सजवलेली सुंदर रांगोळी, पारंपरिक वेशभूषा आणि दारासमोर उजळणारी पणती यांसोबत काढलेला सुंदर सेल्फी या उत्सवाचा खास ठेवा ठरणार आहे.
उपक्रमाचे स्वरूप व महत्त्वाचे नियम:
* संकल्पना: प्रत्येक महिला सदस्याने आपल्या घरी किंवा दारासमोर पणती लावून, पारंपरिक वेशभूषेत स्वतःचा ‘सेल्फी विथ पणती’ फोटो काढायचा आहे.
* उपक्रमाचा कालावधी: दि. ५ नोव्हेंबर (वसुबारस) ते ११ नोव्हेंबर (भाऊबीज) — एकूण ७ दिवस चालणाऱ्या या उत्सवाच्या काळात महिला आपले फोटो पाठवू शकतात.
फोटो स्वीकारण्याची वेळ: दररोज दुपारी २:०० वाजेपर्यंत आलेले फोटोच त्या दिवशीच्या प्रसिद्धीसाठी ग्राह्य धरले जातील.
स्वतःचे फोटो अनिवार्य: फक्त ज्या सदस्यांनी स्वतःचे फोटो काढले आहेत, त्यांनीच फोटो पाठवावेत. विनाकारण किंवा दुसऱ्यांनी पाठवलेले इतर सदस्यांचे फोटो अजिबात स्वीकारले जाणार नाहीत.
फोटो कुठे व कसे पाठवावेत?
महिला सदस्यांनी आपले फोटो ‘एकता महिला मंच’चे प्रमुख प्रभाकर क्षीरसागर यांच्या क्रमांकावर पाठवायचे आहेत:
व्हाट्सअँप संपर्क क्रमांक: 7218338009 “आपल्या हातातील पणतीचा प्रकाश आणि चेहऱ्यावरचा आनंद टिपत, एकता महिला मंचाच्या सर्व भगिनींनी शिस्तीत आणि उत्साहात या ‘विशेष उपक्रमात’ सहभागी व्हावे,” असे आवाहन मंचाच्या वतीने करण्यात आले आहे.
