सोलापूर : येथील म.न.पा मुलांची मराठी केंद्रशाळा कॅम्प या ठिकाणी एस ई एस तंत्रनिकेतन चे प्रा विक्रमसिंह बायस यांच्या माध्यमातून ४०० गणवेशाचे वाटप करण्यात आले. स्व.गिरीश भांबुरे यांच्या स्मरणार्थ गरजू होतकरू विद्यार्थी वर्गाला हा गणवेश देण्यात आला.
या प्रसंगी प्रमुख पाहुणे म्हणून श्री रवींद्र दंतकाळे , शाळेचे प्राचार्य सुरेश सरगम हे उपस्थित होते. कार्यक्रमाची सुरवात उपस्थित मान्यवर यांच्या हस्ते दीपप्रज्वलन करून करण्यात आली. दंतकाळे यांनी विद्यार्थी वर्गाला मार्गदर्शन केले. आयुष्यात खूप मोठे होऊन आपल्या शाळेसाठी मदत करावी तसेच समाजात आपले व आपल्या आई वडिलाचे नाव लौकिक करावे , विद्यार्थी वर्गाने सिव्हील सर्व्हिसेस साठी अभ्यास करावा व देशासाठी कार्य करण्याचे देखील त्यांनी आपल्या मनोगतात सांगितले.
मुख्याध्यापक सरगम यांनी समाजातील विविध दातृत्वाचे आभार व्यक्त केले. बायस यानी या उपक्रमाच्या मागची भूमिका स्पष्ट केली तसेच विद्यार्थी वर्गाच्या हिताच्या दृष्टीकोनातून या पुढे देखील मदत करण्याचे आश्वासन दिले.
या संपूर्ण कार्यक्रमासाठी विनोद कर्पेकर यांचे मार्गदर्शन लाभले . कार्यक्रमाच्या यशस्वितेसाठी ओंकार विधाते ,सुमित श्रोत्री , चंद्रशेखर बिरादार , राहुल नवले ,धोंडू केंगले , जयकुमार वसावे , अश्विनी जवळगे ,संध्या वीर यांनी परिश्रम घेतले. सूत्रसंचालन अप्पासाहेब ककमारे यांनी केले तर आभार रंजना गायकवाड यांनी मानले.
