सोलापूर – जिल्हा शैक्षणिक कलाशिक्षक संघातर्फे रविवार दि. ०४/०१/२०२६ रोजी डॉ. निर्मलकुमार फडकुले सभागृह, सिध्देश्वर मंदिराजवळ, सोलापूर येथे वर्ष २०२६ मधील जिल्हा आदर्श कलाशिक्षक पुरस्कार व ज्येष्ठ कलावंतास जीवनगौरव पुरस्कार तसेच कलाप्रेमी पुरस्कार प्रदान करण्यात येणार आहे.
या वर्षासाठी सोलापूर जिल्ह्यातून ज्ञानेश्वर निवृत्ती कांबळे (सेवानिवृत्त कलाशिक्षक) यांना जीवनगौरव पुरस्कार तर महेश सूर्यकांत छत्रबंद (ज्ञानसागर प्रशाला, बापूजी नगर, सोलापूर) तर सुवर्णा मल्लिनाथ भुसने (मॉडर्न हायस्कूल, सोलापूर), शोभा सोमनगौडा बिरादार (कै. मंगळूरे हायस्कूल, अक्कलकोट, सोलापूर) नागराज चंद्रकांत रमणशेट्टी, (श्रीमती निर्मलाताई ठोकळ प्रशाला, सोलापूर) यांना जिल्हास्तरीय आदर्श कलाशिक्षक पुरस्कार २०२६ व नंदकुमार चंद्राम विजापूरे (जि. प. प्राथमिक शाळा, शंकर नगर), विजया अजिंक्य मोरे (जि. प. प्राथ. शाळा, येळेगांव) गीता तायप्पा पवार (जि. प. केंद्र शाळा, मुले, मंद्रुप) सुनिता किसन घाडगे (नागनाथ विद्यालय, मोहोळ) मधुरा मिलिंद छत्रे (कै. वि. मो. मेहता प्राथमिक शाळा, सोलापूरे) यांना कलाप्रेमी पुरस्कार २०२६ देऊन गौरविण्यात येणार आहे.
सदर कार्यक्रम, मा. दत्तात्रय सावंत, (माजी शिक्षक आमदार, विभाग पुणे.), मा. पंडित भिमण्णा जाधव, (आंतरराष्ट्रीय सुंद्रीवादक) प्राचार्य राम अप्पाराव ढाले, (एस. व्ही.सी.एस. हायस्कूल, भवानी पेठ, सोलापूर), मा. शांतय्या गुरय्या स्वामी, (सचिव, श्री बृहन्मठ होटगी संस्था, सोलापूर) मा. सुधीर बसवंत भरले, (सचिव महासिध्द शिक्षण प्रसारक मंडळ, भंडारकवठे), मा. किरण पुजारी (व्यवस्थापकीय संचालक, शोभाश्री मल्टिडेव्हलप को-ऑप. क्रेडिट सोसा. सोलापूर), मा. प्राचार्य नितीन झाडबुके, (बसवेश्वर माध्य. व उच्च माध्य. विद्यालय निंबर्गी), मा. शेरशहा डोंगरी, (राज्याध्यक्ष, अखिल महाराष्ट्र राज्य शैक्षणिक कलाशिक्षक संघ) आदी प्रमुख मान्यवरांच्या उपस्थितीत होणार आहे. सदर पुरस्कार व पारितोषिक वितरणाचा कार्यक्रम रविवार दि. ०४/०१/२०२६ रोजी दुपारी २ ते ५ या वेळेत निर्मलकुमार फडकुले सभागृह, सिध्देश्वर मंदिराजवळ, सोलापूर येथे संपन्न होणार आहे.
सदर पत्रकार परिषदेस सोलापूर जिल्हा शैक्षणिक कलाशिक्षक संघ, सोलापूर चे जिल्हाध्यक्ष शशिकांत सदाफुले, जिल्हा सचिव, संतोष धारेराव, कार्याध्यक्ष षण्मुखानंद दाते, स्पर्धा प्रमुख पंडीत स्वामी, सिध्दाराम नालवार, आकाश नंदूर, मदगोंडा बिराजदार, शशिकांत मोटगी, शांतप्पा काळे, सचिन कोरे, शैलेश स्वामी आदी सदस्य उपस्थित होते.
