जेऊर – तापमान वाढीचा प्रचंड त्रास होत असलेल्या या वर्षीच्या उन्हाळ्यात कुंभेज तालुका करमाळा येथील एका पक्षीमित्र शिक्षकाने राबवलेल्या “पक्ष्यांसाठी पाणवठा”. त्या उपक्रमाला विद्यार्थी व लोकांमधून प्रचंड प्रतिसाद मिळत असून या उपक्रमामुळे तीव्र उन्हाळ्यातही हजारो पक्षी व प्राण्यांचे तहान भागवण्याचे काम झाले आहे
उन्हाळ्याची तीव्रता वाढल्यानंतर निसर्गामध्ये वावरणाऱ्या पशुपक्ष्यांचे पाण्याविना फार हाल होतात ही बाब लक्षात घेऊन यावर्षी शालेय मुलांना उन्हाळ्याच्या सुट्टया जाहीर होतात कुंभेज तालुका करमाळा येथील दिगंबराव बागल माध्यमिक विद्यालयातील उपक्रमशील पक्षीमित्र शिक्षक कल्याणराव साळुंके यांनी शालेय विद्यार्थ्यांसाठी” पक्षांसाठी पानवाठा” हा उपक्रम राबवला असून यामध्ये उत्कृष्ट पानवाठा स्पर्धा जाहीर केली यामध्ये उत्कृष्ट पाणवठा तयार करणाऱ्या विद्यार्थ्यांना आकर्षक बक्षीस व भाग घेणाऱ्या सर्व विद्यार्थ्यांना ‘यश कल्याणी नेचरकंजर्वेशन’ च्या माध्यमातून सहभाग प्रमाणपत्र देऊन त्यांचा मान्यवरांच्या हस्ते गौरव करण्यात येणार असल्याचे जाहीर केले. सोशल मीडियाच्या माध्यमातून याला प्रसिद्धी दिली सहभाग घेतलेल्या विद्यार्थ्यांनी आपण तयार केलेल्या पानवट्याचे फोटो पाठवण्याची आवाहन केलेआणि केवळ दिगंबरराव बागल माध्यमिक विद्यालयच नाही तर तालुक्यातील व तालुक्याच्या बाहेरीलही इतर विद्यालयात शिकणाऱ्या विद्यार्थ्यांनीही यामध्ये उत्स्फूर्तपणे सहभाग नोंदवला आहे. सुरुवातीला विद्यार्थ्यांसाठी सुरू केलेल्या या स्पर्धेत अनेक सामान्य शेतकरी महिला यांनीही आपल्या घर व शेताच्या परिसरामध्ये पानवटे तयार केले आहेत. तयार केलेल्या पानवट्यांचे फोटो सरांच्या मोबाईलवर पाठवत आहेत निमित्त स्पर्धेचे असले तरी या स्पर्धेमुळे ऐन उन्हाळ्यात हजारो पक्षांची ताण भागवण्यात या उपक्रमामुळे यश आले आहे.
प्रतिक्रिया:- विद्यार्थ्यांमध्ये निसर्ग व पक्षांबद्दल प्रेम निर्माण करण्याच्या उद्देशाने हा उपक्रम सुरू केला आहे पहिल्याच वर्षी अपेक्षेपेक्षा मोठ्या प्रमाणावर प्रतिसाद मिळाला आहे . या स्पर्धेपेक्षाही निसर्ग, प्राणी, पक्षी त्यांच्याविषयी लोकांमध्ये प्रेम निर्माण करण्यात यश मिळाल्याची भावना मोठी वाटते या उपक्रमासाठी यशकल्याणी सेवाभावी संस्थेचे गणेश करे-पाटील व दिगंबराव बागल माध्यमिक विद्यालयाचे मुख्याध्यापक सर्व शिक्षक बंधू यांचे मोठे सहकार्य मिळत आहे.
फोटो:-यशकल्याणी नेचर कंजर्वेशनच्या माध्यमातून आयोजित उपक्रमाअंतर्गत पोफळे ता करमाळा येथील विद्यार्थ्यांनी आपल्या शेतात तयार केलेला पाणवठा.
