बार्शी – संपूर्ण महाराष्ट्रात कार्यरत असलेल्या फेडरेशन ऑफ इलेक्ट्रीकल कॉन्ट्रॅक्टर असोसिएशन महाराष्ट्र (FECAM) या राज्यस्तरीय संघटनेशी इलेक्ट्रिकल कॉन्ट्रॅक्टर असोसिएशन, सोलापूर जिल्हा अधिकृतपणे संलग्न झाली असून, सोलापूर जिल्हाध्यक्षपदी समाधान विधाते यांची निवड करण्यात आली आहे. यावेळी जिल्हा कार्यकारिणीही जाहीर करण्यात आली.
FECAM ची २६ वी सर्वसाधारण सभाअलिबाग येथे पार पडली. या सभेत इलेक्ट्रिकल कॉन्ट्रॅक्टर असोसिएशन, सोलापूर जिल्ह्याला FECAM शी अधिकृत संलग्नता देण्याचा ठराव सर्वानुमते मंजूर करण्यात आला. त्यानंतर सोलापूर जिल्हा संघटनेच्या पदाधिकाऱ्यांची निवड करण्यात आली.
जिल्हाध्यक्ष समाधान विधाते, सचिव अनिल कोळवले, मार्गदर्शक टी. जे. बनसोडे, उपाध्यक्ष हर्षद नाईक, खजिनदार दत्ता कुलकर्णी तर सहसचिव धनाजी पाटील म्हणून कार्यरत राहणार आहेत.
जिल्हा कार्यकारिणी सदस्य म्हणून प्रभाकर नरोळे, सुनील पाटील, सतीश ताड, अभिजीत काळे, रमेशबापू माने, पांडुरंग घरबुढे, रावसाहेब नेमाने, गणेश हांडे, नुहुसेन सय्यद, दिलीप केवळे, मिलिंद अष्टूळ, अमित टोणपे, महेशकुमार दळवे, विजय मिसाळ, दादा इंगळे, उल्हास पाटील, प्रशांत वाघ आणि दादासाहेब गायकवाड यांची निवड करण्यात आली.
FECAMशी झालेल्या अधिकृत संलग्नतेमुळे सोलापूर जिल्ह्यातील इलेक्ट्रिकल कॉन्ट्रॅक्टर्सना राज्यस्तरीय व्यासपीठ उपलब्ध झाले असून, त्यांच्या विविध प्रश्नांसाठी व हक्कांसाठी अधिक प्रभावीपणे पाठपुरावा करता येणार आहे. संघटनेच्या माध्यमातून जिल्ह्यातील इलेक्ट्रिकल कॉन्ट्रॅक्टर्सची एकजूट अधिक मजबूत करण्याचा निर्धार नवनिर्वाचित पदाधिकाऱ्यांनी व्यक्त केला.
