मुदखेड / नांदेड – मुदखेड येथील नगरपरिषद सार्वत्रीक निवडणूक दि.२ डिसेंबर रोजी होणार असून त्या अनुषंगाने स्वीप कक्षा अंतर्गत प्रभावी मतदान जनजागृती रॅलीचे आयोजन करण्यात आले होते
या रॅलीमध्ये जिल्हा परिषद शाळेतील विद्यार्थ्यांनी विविध पारंपारिक वेशभूषेत शहरातील प्रत्येक वार्डामध्ये जाऊन विद्यार्थ्यांनी उत्साहाने नारे देत मतदानाचे महत्त्व पटवून दिले आहे यामध्ये ”चला मतदानाला,, लोकशाही मजबूत बनुया,, तुमचा वोट, तुमचा हक्क मत देऊन बदल घडवा,, असे नारे देत नागरिकांमध्ये मतदानाचे महत्त्व या कार्यक्रमाच्या माध्यमातून विद्यार्थ्यांनी समाजात जागरूक नागरिक बनण्याचा संदेश दिला आणि “मतदान हा लोकशाहीचा उत्सव आहे,,हे मतदारांना पटवून दिले आहे.
या जनजागृती कार्यक्रमास उपस्थित असलेले निवडणूक निर्णय अधिकारी आनंद देऊळगावकर, सहायक निवडणूक निर्णय अधिकारी जगदीश दळवी, मारोतराव जगताप, स्वीप कक्ष प्रमुख प्रिया डहाळे, निवडणूक विभाग प्रमुख शैलेजा फुलारी, यासह विविध शाळेतील मुख्याध्यापक शिक्षक, शिक्षकेतर, कर्मचारी, यासह विद्यार्थ्यांनी उत्स्फूर्त सहभाग नोंदविला होता.
