शरीरात Bad Cholesterol अर्थात LDL Cholesterol कसे तयार होते हे आता सर्वांनाच माहित झाले आहे. हे टाळण्यासाठी अनहेल्दी फॅट्सपासून शक्य तितके दूर राहणे हा एकमेव मार्ग आहे. तुमची जी आहारशैली आहे ती जर तुम्ही बदलली तर तुम्ही नक्कीच बॅड कोलेस्ट्रॉलपासून दूर राहू शकता. तुम्हाला माहित आहे का रक्तवाहिन्यांमध्ये कोलेस्टेरॉल जमा झाले असेल तर ते दूर करण्यासाठी सुद्धा न्यूट्रिशन एक्सपर्टने एक खास उपाय तयार केला आहे.
तुम्हाला सुद्धा अनेकदा हा प्रश्न पडलाच असेल की हे कोलेस्ट्रॉल दिसते तरी कसे? तर अनेकदा कोलेस्ट्रॉल हे पिवळ्या रंगाचा चिपचीपित मेणासारखा पदार्थ म्हणून अनेक फोटोंत दाखवला जातो. पण काही संशोधननुसार तो हलक्या पिवळ्या रंगापासून पांढऱ्या रंगापर्यंत कोणत्याही कलरचा असू शकतो असे सुद्धा समोर आले आहे. पण रंग कोणताही असो या घाणेरड्या कोलेस्ट्रॉलला हरवण्यासाठी खाली दिलेली ही एक हिरवी चटणीच पुरेशी आहे.
बॅड कोलेस्ट्रॉलवर विजय मिळवण्यासाठी आणि त्याला रोखण्यासाठी तुम्हाला हिरवी चटणी मदत करू शकते. ही चटणी नेमकी तयार कशी करावी तेच आपण आज जाणून घेणार आहोत. त्यासाठी सर्वात आधी साहित्य कोणते लागते ते पाहुया. तर मंडळी ही स्पेशल हिरवी चटणी बनवण्यासाठी –
- 50 ग्रॅम – धने
- 20 ग्रॅम – पुदिना
- आवश्यकतेनुसार हिरवी मिरची
- 20 – ग्रॅम लसूण
- 15 ग्रॅम – अळशीच्या बियांचे तेल
- 15 ग्रॅम – इसबगोल
- चवीनुसार मीठ
- 10 मिली – लिंबाचा रस
- आवश्यकतेनुसार पाणी
न्यूट्रिशन एक्सपर्ट अंजली मुखर्जी यांनी या हिरव्या चटणीला कोलेस्ट्रॉल कटिंग चटणी असे नाव दिले आहे. ही चटणी तयार करण्यासाठी दोन पद्धती वापरल्या जाऊ शकतात.
- पहिली कृती – वर सांगितलेले सर्व साहित्य ब्लेंडर किंवा मिक्सरमध्ये टाकून पातळ पेस्ट बनवा आणि कोणत्याही पदार्थासोबत तुम्ही ती सर्व्ह करून खाऊ शकता.
- दुसरी पद्धत – पाट्यावर सर्व साहित्य बारीक करून बारीक चटणी बनवा आणि जेवणासोबत खा.अनेकजण असे असतील की ज्यांना धणे आणि पुदिना अजिबात आवडत नसेल किंवा धणे आणि पुदिना पाहताच ते नाक मुरडत असतील. तुम्ही सुद्धा अशा गटातील लोकांपैकी असाल तर एक गोष्ट लक्षात घ्या की ही हिरवी चटणी धणे आणि पुदिना शिवाय अपूर्ण आहे. न्यूट्रिशन एक्सपर्ट सांगतात की या हिरव्या वनस्पतींमध्ये क्लोरोफिल आढळते, जे पचन सुधारण्यास मदत करते. याशिवाय धणे आणि पुदिन्यामध्ये फायबरचे प्रमाण चांगले असते, जे खराब कोलेस्ट्रॉल कमी करते.
