वेळापूर – येथील पालखी चौक परिसरात तथागत भगवान गौतम बुद्ध तथा धर्मवीर छत्रपती संभाजी महाराज यांच्या जयंतीनिमित्त भव्य रक्तदान शिबिराचे आयोजन वेळापूरचे सरपंच रजनीश बनसोडे यांच्या वतीने करण्यात आले. या रक्तदान शिबिराला नागरिक व युवकांनी उत्स्फूर्त प्रतिसाद देत तब्बल १०९ बाटल्या रक्तदान केले.
कार्यक्रमाच्या प्रारंभी मान्यवरांच्या हस्ते धर्मवीर छत्रपती संभाजी महाराज व गौतम बुद्ध यांच्या प्रतिमेचे पूजन करण्यात आले. त्यानंतर रक्तदान शिबिराचे उद्घाटन आमदार उत्तमराव जानकर, जि.प. सदस्या सौ. मीनाक्षीताई सरतापे, पं.स. सदस्या सौ. विमलताई जानकर, वेळापूरचे सरपंच रजनीश बनसोडे, उपसरपंच नानासो मुंगूसकर, रिपाई आठवले तालुका अध्यक्ष मिलिंद सरतापे, जीवन जानकर तसेच माजी उपसरपंच जावेद मुलाणी यांच्या हस्ते करण्यात आले.
यावेळी आमदार उत्तमराव जानकर म्हणाले, “रक्तदान हेच सर्वश्रेष्ठ दान असून, आपल्या एका रक्तदानामुळे एखाद्याला जीवनदान मिळू शकते. धर्मवीर संभाजी महाराजांच्या शौर्याचा आणि गौतम बुद्धांच्या मानवतेच्या विचारांचा आदर्श डोळ्यासमोर ठेवून समाजहितासाठी अशा उपक्रमांची गरज आहे. युवकांनी सामाजिक बांधिलकी जपत नियमित रक्तदान करावे,” असे आवाहन त्यांनी केले.
यावेळी माजी सरपंच माणिक चव्हाण, माजी उपसरपंच शंकरराव काकुळे, अमृतराव माने देशमुख, डॉ. शिवाजी पनासे, मदनसिंह माने देशमुख, विजय बनसोडे, धनाजी धांडोरे, दिलीप बनसोडे,विठ्ठल पिंगळे, डॉ. अमित गायकवाड, युवराज मंडले, रणजीत सरवदे, प्रदीप सरवदे, राजू जाधव, अजीत साठे, नागेश क्षिरसागर, स्वप्निल सरवदे, अमेय काकुळे आदी मान्यवर उपस्थित होते.
रक्तदान शिबिर यशस्वी पार पाडण्यासाठी सिद्धेश्वर ब्लड बँक, सोलापूर यांचे मोलाचे सहकार्य लाभले.
—————————————
फोटो ओळी
आयोजित रक्तदान शिबिरात रक्तदान करताना सरपंच रजनीश बनसोडे यांच्यासमवेत आमदार उत्तमराव जानकर व इतर दिसत आहेत.
