सोलापूर : सोलापूर महापालिकेच्या झोन क्रमांक सहा मधील शेळगी नाल्याच्या प्रवाहाचा सन 1912 मधील मोजणी नकाशा महानगरपालिकेकडे प्राप्त झाला आहे. या नकाशानुसार या नाल्याचा मूळ प्रवाह आणि त्याची दिशा निश्चित झाल्याने महानगरपालिकेच्या नाले रुंदीकरण खोलीकरण व अतिक्रमण निष्कषण कार्यवाहीला बळकटी मिळाली आहे.
सोलापूर महानगरपालिकेच्या वतीने आपत्ती व्यवस्थापन अंतर्गत नाले रुंदीकरण खोलीकरण व अतिक्रमण निष्कषणाची मोहीम हाती घेण्यात आली होती अंतर्गत झोन क्रमांक 6 मध्ये शेळगी नाल्याचा मूळ प्रवाह कायम करण्याच्या मोहिमेला मोठे यश प्राप्त झाले आहे. दरम्यान, या नाल्याच्या प्रवाहाचा 1912 मधील मोजणी नकाशा महानगरपालिकेकडे प्राप्त झाला आहे. या नकाशानुसार नाल्याचा मूळ प्रवाह आणि त्याची दिशा निश्चित झाल्याने महानगरपालिकेच्या कार्यवाहीला बळकटी मिळाली आहे.
महानगरपालिकेच्या अभियांत्रिकी विभागामार्फत संबंधित विभागीय अधिकारी व अभियंते नियमित स्थळ पाहणी करून कामाचा वेग व गुणवत्ता यावर लक्ष ठेवत आहेत. या कामामुळे परिसरातील पाणी साचणे, दुर्गंधी, तसेच पावसाळ्यातील जलनिस्सारणाच्या तक्रारी यावर प्रभावी नियंत्रण येणार आहे.
“शहरातील सर्व नाले आणि जलवाहिन्यांचा प्रवाह नैसर्गिक दिशेने रहावा व त्यात कोणतेही अडथळे राहू नयेत यासाठी महानगरपालिकेच्या पातळीवर सातत्याने काम सुरू आहे. नागरिकांनीही अशा कामात सहकार्य करून परिसर स्वच्छ व प्रदूषणमुक्त ठेवण्यास मदत करावी”, असे आवाहन महानगरपालिकेचे आयुक्त डॉ. सचिन ओम्बासे यांनी केले आहे.
जलप्रवाह व्यवस्थापन अधिक सक्षम होईल : आयुक्त डॉ. ओम्बासे
या शेळगी नाल्याचे काम पूर्ण झाल्यानंतर संबंधित परिसरातील नागरिकांच्या घरात पावसाचे पाणी तुंबणार नाही. घरात पाणी शिरण्यापासून नागरिकांना मोठा दिलासा मिळणार असून जलप्रवाह व्यवस्थापन अधिक सक्षम होईल, असेही महापालिका आयुक्त डॉ. सचिन ओम्बासे यांनी स्पष्ट केले
——-
