सांगोला – सांगोला येथील सरस्वती पंडित यांनी सहकार क्षेत्रात आवश्यक असणारी डिप्लोमा इन को-ऑपरेटिव्ह बिझनेस मॅनेजमेंट ही पदवी विशेष प्राविण्यसह प्राप्त केली.
सदर परीक्षेसाठी देशभरातून को-ऑपरेटिव्ह सेक्टर मधील विद्यार्थ्यांनी सहभाग घेतला होता. त्यात सोलापूर जिल्ह्यातून एकमेव व्यक्ती उत्तीर्ण झाली आहे.
सदरची परीक्षा केंद्रीय सहकार विभाग यांचेवतीने वैकुंठ मेहता नॅशनल इन्स्टिट्यूट ऑफ को-ऑपरेटिव्ह मॅनेजमेंट, पुणे येथे घेण्यात आली होती. या प्रशिक्षणाचा कालावधी एक वर्षाचा होता.
सदर परीक्षा लेखी, तोंडी व प्रात्यक्षिक अशा तीन विभागात विभागली गेली होती. त्यांच्या या यशाबद्दल श्री.विठ्ठल मल्टीस्टेटचे सर्व कर्मचारी व चेअरमन यांच्याकडून त्यांचा सत्कार करण्यात आला. त्यांच्या या यशाबद्दल सर्व स्तरातून त्यांचे कौतुक होत आहे.
