मुंबई – नवनिर्वाचित नगरसेवकांनी पारंपारिक मराठी पेहराव, कार्यालयात आकर्षक रांगोळी आणि सत्यनारायणाची पूजा अशा पद्धतीने मुंबई महानगरपालिकेत सर्वात मोठा पक्ष ठरलेल्या भाजपाने पक्ष कार्यालयाचे उद्घाटन मराठमोळ्या थाटात शुक्रवारी वाजतगाजत केले.मराठीच्या मुद्दावरून निवडणूक गाजल्याने भाजपाने मराठपण आपल्यासाठी महत्वाची असल्याचे आजच्या कृतीतून दाखवून दिले.
सुमारे ४ वर्षांच्या प्रशासकीय राजवटीनंतर हे कार्यालय पुन्हा एकदा राजकीय हालचालींसाठी खुले झाले आहे. मुंबई भाजपा अध्यक्ष साटम, गटनेते गणेश खणकर यांच्या उपस्थितीत हा उद्घाटन समारंभ पार पडला. यावेळी कार्यालयाबाहेर मुख्यमंत्री देवेंद्र फडणवीस यांची रांगोळी काढण्यात आली होती आणि त्यावर “मुंबईच्या सुवर्णकाळाची सुरुवात” असा संदेश देण्यात आला होता. कार्यालयाच्या उद्घाटनाच्या वेळी महानगरपालिका निवडणूकीत निवडून आलेले सर्व नगरसेवक आणि नगरसेविका उपस्थित होते.
महापालिका निवडणुकीनंतर भाजपाने सर्वाधिक 79 जागा पटकाविल्या आणि सर्वात मोठे पक्ष कार्यालय ताब्यात घेतले आहे. त्याखालोखाल उद्धव ठाकरे यांच्या शिवसेनेने 65 तर भाजपाचा सहकारी पक्ष शिवसेना एकनाथ शिंदे गटाने 29 तर काँग्रेसने 24 आणि एमआयएम (8), मनसे (6) निवडून एकूण 227 पैकी महायुतीला 118 जागा जिकल्या आहेत. तर राष्ट्रवादी काँग्रेस शरद पवार गटाच्या 1 सदस्याने शिंदे गटाला पाठिंबा दिला आहे.
येत्या ११ फेब्रुवारी होणाऱ्या महापौर आणि उपमहापौर पदाच्या निवडणुक होणार आहे. भाजपाने त्यासाठीची रणनीती पक्ष कार्यालयातूनच आखण्यास सुरुवात केली आहे.
