वळसंग – येथील श्री शंकरलिंग प्रशालेतील इयत्ता१०वी मधील कन्नडचे १९ , सेमीचे ५९ व मराठीचे ५६ असे एकूण १३४ विद्यार्थ्यांना निरोप देण्यात आले.
कार्यक्रमाच्या अध्यक्षस्थानी श्री शंकरलिंग स्कूल कमिटीचे चेअरमन शिवशरण थळंगे हे होते, तर प्रमुख पाहुणे म्हणून निवृत्त प्राध्यापक तथा श्री रामलिंगेश्वर प्रशाला, तीर्थचे चेअरमन डॉ.भिमाशंकर बिराजदार, महाराष्ट्र प्रदुषण नियंत्रण मंडळ उप प्रादेशिकचे निवृत्त अधिकारी शंकर केंदुळे, संस्थेचे उपाध्यक्ष विश्वनाथ थळंगे,सदस्य तथा निवृत्त मुख्याध्यापक शिवशरण प्याटी, प्रकाश दुधगी, रमेश दुधगी,शंकर केशट्टी,मल्लिनाथ थळंगे, संजय दुधगी, निवृत्त सेवक ईरप्पा मामा केशट्टी यांच्यासह रामलिंग चनशेट्टी,खैराटे, ढब्बे परिवारांतील सदस्य उपस्थित होते. उपस्थित सर्व मान्यवरांचे स्वागत कलाशिक्षक अजय माणकोजी, गंगाधर बिराजदार व प्रशालेतील इयत्ता नववीच्या विद्यार्थिनींनी स्वागतगीताने केले. त्यानंतर प्रमुख पाहुण्यांची ओळख पर्यवेक्षक शिवानंद घोडके यांनी करून दिले.तदनंतर उपस्थित मान्यवरांच्या हस्ते क्रांतिज्योती सावित्रीबाई फुले यांच्या प्रतिमेचे पूजन करण्यात आले. सदर कार्यक्रमाचे प्रस्तावना प्राचार्य वीरेश थळंगे यांनी केले.
याप्रसंगी इयत्ता नववीच्या विद्यार्थ्यांकडून दहावीच्या विद्यार्थ्यांना भावनिक वातावरणात निरोप देण्यात आले. दरवर्षाप्रमाणे शै. वर्ष २०२५-२६ करिता आदर्श विद्यार्थी व विद्यार्थिनी म्हणून अनुक्रमे कुमार श्रीधर सोमनाथ ढब्बे व कुमारी मानसी महांतेश खैराटे यांची निवड करण्यात आली.सदर आदर्श विद्यार्थ्यांना त्यांच्या पालकांसमवेत संस्थेचे प्रथम चेअरमन कै. सिद्रामप्पा शरणप्पा बिज्जरगी व त्यांच्या पत्नी कै.शिवलिंगव्वा सिद्रामप्पा बिज्जरगी यांच्या स्मरणार्थ बिज्जरगी परिवारांतर्फे रोख रक्कम प्रत्येकी ₹ ५०१/- आणि प्रशालेतर्फे ट्रॉफी, प्रमाणपत्र व बुके देऊन मान्यवरांच्या हस्ते गौरविण्यात आले.तसेच कुमार सुरेश चौगुले यास बहुगुणी विद्यार्थी म्हणून प्रशालेच्या वतीने स्कूल बॅग व बुके देऊन मान्यवरांच्या हस्ते सन्मानित करण्यात आले. याप्रसंगी कै.संगप्पा गुरूपादप्पा भैरामडगी यांच्या स्मरणार्थ डॉ गुरूराज संगप्पा भैरामडगी यांच्या तर्फे चार विद्यार्थ्यांचे,कै.सौ.शारदा चन्नप्पा भैरामडगी यांच्या स्मरणार्थ सिद्धाराम भैरामडगी सरांतर्फे तीन विद्यार्थ्यांचे,कै.सौ.श्रीदेवी विश्वनाथ दुधगी यांच्या स्मरणार्थ बसवराज दुधगी सरांतर्फे एका विद्यार्थ्याचे, वीरेश शिवशरण थळंगे सरांतर्फे तीन विद्यार्थ्यांचे, शैला बसवराज निंबाळ मॅडम यांच्या तर्फे दोन विद्यार्थ्यांचे, संगमेश्वर बागलकोटी निवृत्त मुख्याध्यापक यांच्या तर्फे एका विद्यार्थ्याचे तर आदर्श विद्यार्थिनीचे पालक महांतेश शिवानंद खैराटे यांच्यातर्फे दोन विद्यार्थ्यांना असे प्रशालेतील हुशार व होतकरू एकूण १६ विद्यार्थ्यांना प्रत्येकी ₹५०० प्रमाणे परीक्षा शुल्क मान्यवरांच्या हस्ते देऊ करण्यात आले. आदर्श विद्यार्थी व इतर काही विद्यार्थ्यांनी आपल्या मनोगतातून शिक्षकांविषयी व शाळेविषयी ॠण व्यक्त करून उत्तम निकाल लावण्याची ग्वाही दिले.तदनंतर दहावी वर्गशिक्षकांपैकी सिध्दारूढ हिरेमठ यांनी आपल्या मनोगतातून दहावी बोर्ड परीक्षेला कोणतेही दडपण न घेता मोठ्या आत्मविश्वासाने सामोरे जाण्यासंदर्भात विद्यार्थ्यांना मार्गदर्शन करून शुभेच्छा दिले. प्रमुख पाहुणे डॉ . भिमाशंकर बिराजदार यांनी मनोगताद्वारे मराठी व कन्नड भाषेत आपल्या जुन्या आठवणींना उजाळा देत प्रामाणिकपणे काम केल्यास परमेश्वर सर्व गोष्टी भरभरून देतो असे सांगितले तसेच आपल्या आईवडिलांचा व गुरुजनांचा नेहमी आदर राखा असे सांगून सर्व परीक्षार्थींना एस .एस. सी. बोर्ड परीक्षेकरिता हार्दिक शुभेच्छा दिले.शेवटी आपल्या अध्यक्षीय भाषणात शिवशरण थळंगे यांनी उर्वरित दिवसात सर्व विषयांचे मनापासून भरपूर अभ्यास करून प्रशालेचा निकाल शंभर टक्के लावा असे आवाहन केले.निरोप घेणाऱ्या दहावीच्या विद्यार्थ्यांतर्फे प्रशालेस एक डायस तर आदर्श विद्यार्थिनीच्या परिवारातर्फे श्री शंकराची मूर्ती भेट म्हणून देण्यात आले .या दिनाचे औचित्य साधून प्रशालेतील कनिष्ठ लिपिक गौरीशंकर चनशेट्टी यांना सोलापूर जिल्हा माध्यमिक शिक्षक व शिक्षकेतर कर्मचारी पतसंस्था मर्यादित बाळे, सोलापूर तर्फे आदर्श लिपिक पुरस्कार मिळाल्याबद्दल त्यांचे संस्था व प्रशालेच्या वतीने सपत्नीक फुल आहेर व भेटवस्तू देऊन यथोचित सत्कार करण्यात आला. शेवटी खाऊ वाटप करण्यात आले.
कार्यक्रम यशस्वी करण्यासाठी संजयकुमार धनशेटृटी,सिध्दाराम भैरामडगी, निलकंठ कवटगी,बसवराज दुधगी,विरेश थळंगे, संतोष कस्तुरे,मल्लिनाथ गौडगाव, विजय प्याटी,शिवराज अष्टगी, विजयालक्ष्मी थळंगे, शैला निंबाळ,स्नेहा हळगोदे,लिपिका राजश्री दुधगी,सेवक कट्टेप्पा कोळी,विनोद दुधगी तसेच इयत्ता नववीच्या विद्यार्थ्यांनी विशेष परिश्रम घेतले.
कार्यक्रमाचे सूत्रसंचालन सांस्कृतिक विभाग उपप्रमुख श्रीमंत भोसले तर आभारप्रदर्शन सांस्कृतिक विभाग प्रमुख तानाजी जमादार यांनी केले.
