सोलापूर : केंद्रातील भाजप प्रणित मोदी सरकारने केलेल्या घरगुती व व्यावसायिक एलपीजी गॅस सिलेंडरच्या दरवाढीचा निषेध तसेच निर्माण झालेल्या तुटवड्याच्या पार्श्वभूमीवर सोलापूर शहर काँग्रेस पक्षाच्या वतीने आंदोलन करण्यात आले. खासदार प्रणिती शिंदे यांच्या मार्गदर्शनाखाली आणि शहराध्यक्ष चेतन नरोटे, व जिल्हाध्यक्ष सातलिंग शटगार यांच्या नेतृत्वाखाली काँग्रेस कार्यकर्त्यांनी तिरडीवर गॅस सिलेंडर ठेवून प्रतिकात्मक अंत्ययात्रा काढत जोरदार घोषणाबाजी केली.
“राम नाम सत्य है”, “गॅस सिलेंडर दरवाढ रद्द करा”, “लाडक्या बहिणींना लुटणाऱ्या सरकारचा निषेध असो”, “महागाईचा झटका लाडक्या बहिणींना फटका” अशा घोषणांनी परिसर दणाणून गेला.आंदोलनानंतर सोलापूर शहर काँग्रेस पक्षाच्या वतीने जिल्हाधिकारी सोलापूर यांना निवेदन देऊन तात्काळ उपाययोजना करण्याची मागणी करण्यात आली.यावेळी सोलापूर शहर काँग्रेसचे शहराध्यक्ष चेतन नरोटे म्हणाले की, केंद्रातील भाजप प्रणित मोदी सरकारने घरगुती व व्यावसायिक एलपीजी गॅस सिलेंडरच्या किमतीत केलेली वाढ ही सर्वसामान्य नागरिकांवर अन्याय करणारी आहे. अलीकडेच घरगुती (१४.२ किलो) गॅस सिलेंडरच्या किमतीत ६० रुपये तर व्यावसायिक (१९ किलो) सिलेंडरच्या किमतीत ११५ रुपयांनी वाढ करण्यात आली आहे. आधीच प्रचंड महागाईने त्रस्त असलेल्या जनतेवर ही दरवाढ म्हणजे आणखी एक आर्थिक बोजा ठरला असून सामान्य नागरिकांचे अक्षरशः कंबरडे मोडले आहे, असा आरोप केला. काही ठिकाणी “सिलेंडर उपलब्ध नाही, किमान ३० दिवस लागतील” असे सांगितले जात असल्याने नागरिकांमध्ये संभ्रम आणि नाराजी वाढत आहे. काही भागांत गॅस सिलेंडरचा काळाबाजार होत असल्याच्या तक्रारीही समोर येत आहेत, अशी माहिती चेतन नरोटे यांनी दिली.
या आंदोलनात शहराध्यक्ष चेतन नरोटे, जिल्हाध्यक्ष सातलिंग शटगार, नगरसेवक नरसिंह आसादे, माजी स्थायी समिती सभापती बाबा मिस्त्री, सेवादल यंग ब्रिगेड प्रदेशाध्यक्ष सुदीप चाकोते, प्रदेश सचिव राहुल वर्धा, श्रीशैल रणदिरे, महिला अध्यक्ष प्रमिलाताई तूपलवंडे, ब्लॉक अध्यक्ष उदयशंकर चाकोते, सेवादल अध्यक्ष भीमाशंकर टेकाळे, भटक्या विमुक्त अध्यक्ष युवराज जाधव, मीडिया सेल अध्यक्ष तिरुपती परकीपंडला, एन.एस.यु.आय. अध्यक्ष नागेश म्याकल, सेवादल यंग ब्रिगेड अध्यक्ष विवेक कन्ना, असंघटित कामगार सेल अध्यक्ष सुभाष वाघमारे, माजी नगरसेवक दत्तू अण्णा बंदपट्टे, हरुण शेख, भारती ईपलपल्ली, उपाध्यक्ष अंबादास गुत्तीकोंडा, रामसिंग आंबेवाले, सरचिटणीस अँड. केशव इंगळे, दिनेश म्हेत्रे, राजन कामत, अनिल मस्के, अशोक कलशेट्टी, गिरीधर थोरात, लखन गायकवाड, शिवशंकर अंजनाळकर, संजय गायकवाड, सागर उबाळे, अय्याज आळंद, शरद गुमटे, भीमराव शिंदे, एजाज बागवान, नूरअहमद नलवार, माजी महिला अध्यक्ष सुमन जाधव, हेमाताई चिंचोळकर, शोभा बोबे, शुभांगी लिंगराज, ज्योती गायकवाड, पूजा चव्हाण, छाया हिरवटे, स्नेहल शिंदे, अनिता भालेराव, मीना गायकवाड, प्रकाश गेंट्याल, शिवाजी साळुंखे, राजेश झंपले, ऐजाज बागवान, मोहसीन फुलारी, दशरथ सामल, व्यंकटेश बोमेन, कालिदास काळपगार, श्रीनिवास परकीपंडला, पवन सग्गम, नरेश कोकुल, हणमंतु रुपनर, अभिलाष अच्युगटला, चिंटू कांबळे, सुनील डोळसे, सचिन सुरवसे, दत्तात्रय गजभार, इब्राहिम कलबुर्गी, अमर भोसले आदी पदाधिकारी व कार्यकर्ते उपस्थित होते.
