सांगोला – गुढीपाडव्याच्या शुभ मुहूर्तावर प्रधानमंत्री घरकुल योजनेअंतर्गत विविध ग्रामपंचायत मध्ये गृहप्रवेश सोहळा मोठ्या उत्साहात साजरा करण्यात आला अशी माहिती पंचायत समितीचे गटविकास अधिकारी उमेशचंद्र कुलकर्णी यांनी दिली.
गुढीपाडव्याच्या शुभमुहूर्तावर प्रधानमंत्री आवास घरकुल, अहिल्यादेवी घरकुल योजना व मोदी आवास घरकुल योजनेअंतर्गत बांधलेल्या घराचा गृहप्रवेश सोहळा कमलापूर, अनकढाळ, खवासपूर, चिकमहुद, एकतपुर, वाटंबरे, कडलास, किडेबिसरी ग्रामपंचायत येथे मोठ्या उत्साहात पार पडला.
यावेळी ग्रामपंचायत अधिकारी, घरकुल लाभार्थी, ग्रामपंचायतीचे पदाधिकारी उपस्थित होते असे पंचायत विस्तार अधिकारी अमोल तोडकरी, आरोग्य विस्तार अधिकारी मिलिंद सावंत यांनी सांगितले. घरकुल लाभार्थींनी शासनाचे आभार मानत आमचे स्वतःचे पक्के घराचे स्वप्न पूर्ण झाले अशी भावना व्यक्त केली असल्याची माहिती सहा.गटविकास अधिकारी वसंत फुले यांनी दिली.
गुढीपाडव्याच्या मंगलमय वातावरणात झालेल्या या गृहप्रवेश सोहळ्यामुळे गावात आनंदाचे वातावरण निर्माण झाले आहे असे मत अहिल्यादेवी होळकर घरकुल लाभार्थी काशिलिंग तंडे व मोदी आवास घरकुल योजना लाभार्थी हनुमंत आदलिंगे यांनी व्यक्त केले.
