सोलापूर – पुण्यश्लोक अहिल्यादेवी होळकर सोलापूर विद्यापीठातर्फे २९ ऑगस्ट रोजी भारताचे महान हॉकीपटू मेजर ध्यानचंद यांच्या जन्मदिनानिमित्त ‘राष्ट्रीय क्रीडा दिन’ साजरा करण्यात येणार आहे. यानिमित्त विद्यापीठाच्या क्रीडा व शारीरिक शिक्षण विभागामार्फत उत्कृष्ट कार्य करणाऱ्या क्रीडा क्षेत्रातील व्यक्तींना ‘अहिल्यादेवी क्रीडा पुरस्कार’ प्रदान केले जाणार आहेत.
क्रीडा शिक्षक, क्रीडा मार्गदर्शक, उत्कृष्ट क्रीडा पत्रकारिता आणि शा.शि.अध्यापक-संचालक या श्रेणींमधील पुरस्कारांसाठी पात्र व्यक्तींकडून अर्ज मागविण्यात आले आहेत. पुरस्काराची सविस्तर नियमावली विद्यापीठाच्या www.sus.ac.in या संकेतस्थळावर उपलब्ध आहे. इच्छुक उमेदवारांनी आपले अर्ज विहित नमुन्यात १० ऑगस्ट २०२६ रोजी सायंकाळी ५:०० वाजेपर्यंत क्रीडा व शारीरिक शिक्षण विभागाकडे हस्तदये सादर करावेत. अर्जावर व लिफाफ्यावर कोणत्या पुरस्कारासाठी अर्ज केला आहे याचा स्पष्ट उल्लेख करणे बंधनकारक असून, मुदतीनंतर येणाऱ्या अर्जांचा विचार केला जाणार नाही, असे विद्यापीठाचे प्रभारी कुलसचिव डॉ. अतुल लकडे यांनी कळविले आहे.
