सांगोला – सांगोल्यातून कोकणामध्ये जाण्याकरिता सांगोला ते कराड मार्गे दापोली बस सेवा सुरू करावी अशी आग्रही मागणी सांगोल्यातील शहीद अशोक कामटे बहुउद्देशीय सामाजिक संघटनेच्यावतीने महाराष्ट्र राज्य परिवहन महामंडळ यांच्याकडे केली होती. ही बस सेवा सुरू करण्यास मंजुरी मिळाली असून मंगळवार दि.१४ एप्रिल पासून नियमित सुरू होणार आहे.
या बस सेवेचे ऑनलाइन आगाऊ आरक्षण महामंडळाच्या संकेतस्थळावर सुरू करण्यात आले आहे. सदर बस सेवेमुळे कोकण व पश्चिम महाराष्ट्राला जोडणारी अतिशय महत्त्वपूर्ण बससेवा ठरणार असल्याने प्रवाशांमध्ये आनंदाचे वातावरण आहे. सदर बस सेवा सुरू होण्याकरता परिवहन मंत्री, विभागातील परिवहन राज्य महामंडळाचे सर्व अधिकारी, आगार प्रमुख विकास पोफळे सांगोला यांचेकडे सातत्याने शहीद अशोक कामटे सामाजिक संघटनेने मागणीचा पाठपुरावा केला होता. तरी या मार्गावर प्रवास करणाऱ्या प्रवाशांनी या बसने प्रवास करावा असे आवाहन संघटनेच्या वतीने करण्यात आले आहे.
सांगोला ते दापोली ही एसटी बस स.८ वा. सांगोल्यातून प्रस्थान करेल व दापोलीतून स.६ वा. निघेल. या बसचे थांबे व मार्ग नाझरे, आटपाडी, करगणी, भिवघाट, खानापूर, विटा, कडेगाव, कराड, पाटण, कोयनानगर, चिपळूण, खेड, दापोली असणार आहे.
