पंढरपूर – पंढरपूर व मंगळवेढा विभागात वीज पुरवठ्याबाबत येणाऱ्या अडचणीबाबत गुरुवारी मंगळवेढा येथे आमदार समाधान आवताडे यांनी महाराष्ट्र राज्य विद्युत वितरण कंपनीच्या अधिकार्यांची बैठक घेऊन उन्हाळ्यात विजपुरवठा अधिक सुरळीत राहावा यासाठी सतर्क राहावे. याचबरोबर जळालेला ट्रांसफार्मर तीन दिवसाच्या आत मध्ये द्या, पण शेतीपंपाची विज पूर्ण दाबाने आठ तास द्या आणि सिंगल फेज वीज पूर्ण दाबाने द्या अशा सूचना संबंधित अधिकाऱ्यांना दिल्या. याचबरोबर महावितरणचे अधिकारी व कर्मचारी यांना शेतकऱ्यांशी नम्रतेने बोलण्याबाबतच्या सूचना दिल्या.
शेतकऱ्यांना शेतीपंपासाठी पुरेशा प्रमाणात वीजपुरवठा व्हावा. यासाठी विशेष नियोजन करण्याचे निर्देश आमदार समाधान आवताडे यांनी दिले.याप्रसंगी त्यांनी पालकमंत्री जयकुमार गोरे, जिल्हाधिकारी कार्तिकेएन यांच्याशी दूरध्वनीद्वारे संपर्क साधून वीजपुरवठ्याबाबत येणाऱ्या अडचणी निदर्शनास आणून दिल्या.
वाढत्या उन्हाळ्यामुळे वीजेची मागणी मोठ्या प्रमाणात वाढली असून, त्याचा परिणाम वीज वितरण यंत्रणेवर होताना दिसत आहे. शहरासह ग्रामीण भागात वारंवार वीजपुरवठा खंडित होणे, कमी दाबाने वीज मिळणे तसेच वीज जळण्याच्या घटनांत वाढ झाल्याने शेतकरी आणि नागरिक त्रस्त झाले आहेत.
गेल्या काही दिवसांत अनेक भागांतील वीज ट्रांसफार्मर जळाल्याच्या घटना समोर आल्या आहेत. त्यामुळे काही ठिकाणी तासन्तास वीजपुरवठा बंद राहिला. जळालेले अनेक ट्रांसफार्मर दुरुस्तीसाठी पडून असल्याने वीजपुरवठा सुरळीत करण्यात अडचणी निर्माण होत आहेत. पंढरपूर मंगळवेढा तालुक्यामध्ये जवळपास ४५ ट्रांसफार्मर दुरुस्तीसाठी ऑइल नसल्यामुळे थांबलेले होते, त्यावेळी आमदार अधीक्षक अभियंता यांना भ्रमणध्वनी द्वारे कळवून २००० लिटरची व्यवस्था करण्यास सांगितले त्यामुळे पेंडिंग असलेले ४५ ट्रांसफार्मर लवकरात लवकर देण्यास सांगितले तसेच वाढलेल्या भारामुळे ट्रान्सफॉर्मर आणि वीजवाहिन्यांवर ताण येत आहे.
दरम्यान, भीमा नदीत पाणी सोडण्यात आलेले असून जिल्हाधिकारी यांच्या आदेशानुसार औज आणि हील्ली बंधाऱ्यापर्यंत पोहचे पर्यंत वीज पुरवठा तीन तास करण्यात आला होता आता त्याठिकाणी पाणी पोहचले असून वीजपुरवठा सुरळीत करणे संदर्भात पालकमंत्री जयकुमार गोरे व जिल्हाधिकारी कार्तिकेयन साहेब यांना भ्रमणध्वनीद्वारे शेतकऱ्यांच्या अडचणी सांगून वीज पुरवठा पूर्वत करण्यात यावा असे सांगण्यात आला.
दोन्ही तालुक्यात कमी दाबाने वीज मिळत असल्याने नागरिकांना उकाड्यात मोठा त्रास सहन करावा लागत आहे. पाण्याच्या मोटारी, शेतीपंप आणि घरगुती उपकरणे व्यवस्थित सुरू राहत नसल्याच्या तक्रारी वाढल्या आहेत.
या पार्श्वभूमीवर पंढरपूर मंगळवेढा विधानसभा मतदार संघाचे आमदार समाधान आवताडे यांनी पंढरपूर आणि मंगळवेढा विभागातील महावितरण अधिकाऱ्यांची बैठक घेऊन वीज पुरवठा पूर्ववत ठेवण्याच्या सूचना दिल्या.
बैठकीदरम्यान आमदार समाधान आवताडे यांनी वीज वितरण विभागाच्या अधिकाऱ्यांना जळालेले डेपो त्वरित दुरुस्त करावेत, अतिरिक्त ट्रान्सफॉर्मर उपलब्ध करून द्यावेत तसेच कमी दाबाची समस्या दूर करण्यासाठी आवश्यक उपाययोजना कराव्यात अशा सूचना केल्या. तसेच कार्यकारी अभियंता शिंदे सर्व अधिकारी यांना आमदार समाधान आवताडे यांनी महावितरण चे सर्व अधिकारी व कर्मचारी यांना नागरिक व शेतकरी यांच्याशी नम्रतेने बोलण्यात व वागण्यात यावे अशा सूचना दिल्या. यावेळी कार्यकारी अभियंता शिंदे, सहाय्यक कार्यकारी अभियंता देवकर, उपकार्यकारी अभियंता मरळी, उपकार्यकारी अभियंता अकोलकर, मंगळवेढा पंचायत समितीचे सभापती सौ दिपाली ताड, पंढरपूर पंचायत समितीचे सभापती शुभम आगवणे, जिल्हा परिषद सदस्य प्रदीप खांडेकर, जिल्हा परिषद सदस्य रमेश भांजे, जिल्हा परिषद सदस्य जनार्दन शिवशरण, उपसभापती अर्जुन मल्लाळे, पंचायत समिती सदस्य विनायक यादव, विजय माने, श्रीमंत म्हेत्रे, सचिन चव्हाण, दत्ता यादव व इतर पदाधिकारी उपस्थित होते.
