सोलापूर : वंचित घटकातील विद्यार्थ्यांना ज्ञान देण्याचे शिक्षकांचे कार्य अमूल्य आहे. शिक्षक विद्यार्थ्यांना घडवतात. विद्यार्थी देशाचे भवितव्य आहेत. असे प्रतिपादन जिल्हा परिषदचे प्राथमिक विभागाचे शिक्षणाधिकारी कादर शेख यांनी केले.
महानगरपालिका प्राथमिक शिक्षक सहकारी पतसंस्थेच्या शताब्दी महोत्सवानिमित्त आदर्श शिक्षक पुरस्कार वितरण करण्यात आले. प्रथम शंभर वर्षाच्या कालावधीतील कार्याचा उल्लेख असलेला स्मरणिकेचे प्रकाशन करण्यात आले. त्याप्रसंगी ते बोलत होते.
त्याचप्रमाणे सन 2025 महानगरपालिकेच्या मराठी, कन्नड, उर्दू,तेलगू कार्यरत असणाऱ्या शिक्षकापैकी 12 शिक्षकांना आदर्श शिक्षक पुरस्कार व एका शिक्षकास विशेष गौरव पुरस्कार देण्यात आला. पुरस्कार प्राप्त शिक्षकांना सन्मानचिन्हव व गौरव पत्र देऊन गौरव करण्यात आले. उपस्थित सर्व सभासदांना शताब्दी महोत्सवी वर्षानिमित्त 15 ग्रॅम चांदीचे नाणे भेटवस्तू म्हणून देण्यात आले.
या पुरस्काराचे वितरण जिल्हा परिषदचे प्राथमिक विभागाचे शिक्षणाधिकारी कादर शेख व महाराष्ट्र राज्य मागासवर्गीय शिक्षक संघटनेचे राज्याध्यक्ष शामराव जवंजाळ , संस्थेचे संस्थापक कै.ग बा पारखे गुरुजी यांचे नातू राजेश पारखे यांच्या हस्ते वितरण करण्यात आले. या कार्यक्रमास महाराष्ट्र राज्य मागासवर्गीय शिक्षक संघटनेचे जिल्हाध्यक्ष शशिकांत खुडे,सचिव किरण सगेल उपस्थित होते.
प्रास्ताविकामध्ये संस्थेचे विद्यमान चेअरमन नागेश गोसावी यांनी संस्थेच्या शंभर वर्षाच्या यशस्वी कार्याची माहिती दिली. पुरस्कार देताना कोणत्याही प्रकारच्या प्रस्तावाची मागणी करण्यात आलेले नाही शिक्षकाचे प्रत्यक्ष काम पाहून पुरस्कारासाठी निवड करण्यात आली आहे असे संस्थेचे चेअरमन नागेश गोसावी यांनी सांगितले. सूत्रसंचालन संचालक गंगाधर कांबळे व स्नेहा पुजारी यांनी केले तर आभार संचालक श्रीकृष्ण परमेश्वर सुतार यांनी मानले. यावेळी व्हाईस चेअरमन शाहीन शेख, संचालक गंगाधर कांबळे, कृष्ण परमेश्वर सुतार, इम्रान जमादार, अफरोज बागवान, मुद्देसर पाशा पिरजादे, केशव गलगली, भास्कर मदनाल,जहारा नगदेकर हे उपस्थित होते.
कार्यक्रम यशस्वी होण्यासाठी किरण शेळगे,अझर पंजेवाले. व्यवस्थापक समर्थ जाधव,लिपिक शाकीर शेख, संदीप घोळवे,प्रसन्न निकंबे,श्री स्वप्निल चाबुकस्वार, आप्पासाहेब ककमारे यांनी परिश्रम घेतले.
या मान्यवरांचा झाला पुरस्काराने सन्मान
आनंद रामलू सामल, संतोष चंद्रकांत सुतार , दत्तात्रेय चौगुले , उमा चंदनशिवे ,लक्ष्मी हळगोदे, गणेश नागेंद्रप्पा उप्पळम , मंगल शिंगे , फुरकानुलक अ. जब्बार पानगल , शबाना शेख , शुगुप्ता प्यारे , रहिमा शेख ,आयेशा शहापुरे , विशाल बब्रू मनाळे आदी मान्यवरांचा पुरस्काराने सन्मान करण्यात आला.
