मुंबई : क्विक हील टेक्नॉलॉजीज लिमिटेड या जागतिक स्तरावरील आघाडीच्या सायबर सुरक्षा सोल्यूशन्स प्रदाता कंपनीने आज हरीश कुमार यांची चीफ एक्झिक्युटिव्ह ऑफिसर (सीईओ) म्हणून नियुक्ती केल्याची घोषणा केली आहे.
हरीश कुमार यांच्याकडे सायबर सुरक्षा, एंटरप्राइज सॉफ्टवेअर, टेक्नॉलॉजी इन्फ्रास्ट्रक्चर, नेटवर्किंग आणि डिजिटल सर्व्हिसेस या क्षेत्रांमधील तीन दशकांपेक्षा जास्त काळाचा नेतृत्वाचा दांडगा अनुभव आहे. आपल्या उत्कृष्ट कारकिर्दीत त्यांनी मोठ्या प्रमाणावर व्यावसायिक बदलाचे यशस्वी नेतृत्व केले आहे, कंपनीच्या वाढीला गती दिली आहे, बाजारपेठेतील विस्तार वाढवला आहे आणि मध्यम व मोठ्या उद्योगांमधील अत्यंत स्पर्धात्मक तंत्रज्ञान बाजारपेठेत उच्च कामगिरी करणाऱ्या टीम्स तयार केल्या आहेत. क्विक हील टेक्नॉलॉजीजमध्ये सामील होण्यापूर्वी, त्यांनी चेक पॉईंट सॉफ्टवेअर टेक्नॉलॉजीज येथे हेड ऑफ सेल्स – इंडिया आणि सार्क म्हणून काम केले होते. तिथे त्यांनी व्यवसाय वाढवण्यात आणि या संपूर्ण क्षेत्रात कंपनीचे बाजारपेठेतील अग्रस्थान दृढ करण्यात अत्यंत महत्त्वाची भूमिका बजावली होती.
ही नियुक्ती क्विक हील टेक्नॉलॉजीज लिमिटेडच्या विकासातील एका अत्यंत महत्त्वपूर्ण टप्प्यावर झाली आहे. कंपनी आपल्या क्विक हील आणि सेक्राईट या प्रमुख ब्रँड्सच्या माध्यमातून ग्राहक सायबर सुरक्षा, एंटरप्राइज सुरक्षा, थ्रेट इंटेलिजन्स, डेटा प्रायव्हसी, व्यवस्थापित सिक्युरिटी सर्व्हिसेस आणि एआय-आधारित सिक्युरिटी सोल्यूशन्स या क्षेत्रांमध्ये आपले स्थान सातत्याने दृढ करत आहे.
या नियुक्तीबाबत मत व्यक्त करत क्विक हील टेक्नॉलॉजीज लिमिटेडचे चेअरमन आणि मॅनेजिंग डायरेक्टर डॉ. कैलास काटकर म्हणाले, “आम्हाला क्विक हील टेक्नॉलॉजीज लिमिटेडचे चीफ एक्झिक्युटिव्ह ऑफिसर म्हणून हरीश कुमार यांचे स्वागत करताना अत्यंत आनंद होत आहे. गेल्या काही वर्षांत क्विक हीलने नाविन्यता, ग्राहकांचा विश्वास आणि सायबर सुरक्षेतील उत्कृष्टतेचा प्रबळ पाया तयार केला आहे. डिजिटल जग विस्तारत आहे आणि सायबर सुरक्षा व्यक्ती, उद्योग व सरकारांसाठी अधिकाधिक महत्त्वाची बनत चालली आहे, अशा वेळी मला पूर्ण विश्वास आहे की, हरीश यांचा प्रदीर्घ उद्योग अनुभव, सिद्ध झालेले नेतृत्व गुण आणि कामावरील मजबूत पकड यांमुळे ते कंपनीला पुढील वाढीच्या टप्प्यावर नेण्यासाठी सर्वात योग्य नेतृत्व ठरतील.”
डॉ. काटकर पुढे म्हणाले, “कंपनीने आणि कंपनीच्या संचालक मंडळाने यासाठी सर्वसमावेशक शोध प्रक्रिया राबवली होती. हरीश यांचा दृष्टिकोन, ग्राहक-केंद्रित विचार, ऑपरेशन्समधील उत्कृष्टता आणि उच्च कामगिरी करणाऱ्या कंपन्या उभारण्याचा त्यांचा ट्रॅक रेकॉर्ड आमच्या दीर्घकालीन धोरणात्मक आकांक्षांशी पूर्णपणे सुसंगत आहे, यावर सर्वांचे एकमत झाले. आम्ही आमचे ग्राहक, कर्मचारी, भागीदार, भागधारक आणि समाजासाठी सातत्याने मूल्य निर्माण करत असताना त्यांच्यासोबत जवळून काम करण्यासाठी उत्सुक आहोत.”
आपल्या नियुक्तीबाबत मत व्यक्त करत क्विक हील टेक्नॉलॉजीज लिमिटेडचे चीफ एक्झिक्युटिव्ह ऑफिसर श्री. हरीश कुमार म्हणाले: “भारतातील सायबर सुरक्षा क्षेत्राला आकार देण्यात अग्रगण्य भूमिका बजावणाऱ्या क्विक हील टेक्नॉलॉजीजमध्ये सामील होताना आणि या संस्थेचे नेतृत्व करताना मला अत्यंत आनंद होत आहे. कंपनीने विश्वास, नाविन्यता आणि ग्राहक-केंद्रित्वाचा दृढ वारसा तयार केला आहे. माझा विश्वास आहे की, सायबर सुरक्षा, डेटा संरक्षण, प्रायव्हसी आणि एआय-आधारित सिक्युरिटी सोल्यूशन्स या क्षेत्रांमध्ये समोर येणाऱ्या मोठ्या संधींचा फायदा घेण्यासाठी कंपनी अत्यंत मजबूत स्थितीत आहे.
सायबर धोक्यांचे स्वरूप झपाट्याने बदलत आहे, ज्यामुळे जगभरातील कंपन्यांसाठी सायबर सुरक्षा बोर्डरूममधील (संचालक मंडळाच्या बैठकीतील) प्राधान्याचा विषय बनला आहे. मजबूत पोर्टफोलिओ, ग्राहकांच्या गरजांची सखोल समज आणि प्रतिभावान कर्मचारीवर्गाच्या जोरावर क्विक हीलकडे पुढील वाढीचा टप्पा गाठण्यासाठी आवश्यक असलेले सर्व घटक उपलब्ध आहेत.
आपले बाजारपेठेतील अग्रस्थान अधिक दृढ करत असताना, नावीन्यतेचा वेग वाढवत असताना आणि डिजिटल भविष्य सुरक्षित करण्याचे आपले ध्येय पुढे नेत असताना आमचे कर्मचारी, ग्राहक, भागीदार आणि भागधारक यांच्यासोबत भागीदारी करण्यासाठी मी उत्सुक आहे, ज्यामुळे आम्ही आमच्या सर्व भागधारकांसाठी महत्त्वपूर्ण मूल्य निर्माण करू शकू.”
