अकलूज – शिवरत्न बंगला, यशवंतनगर येथे शक्तिपीठ महामार्ग संदर्भात महत्त्वपूर्ण बैठक पार पडली. जेष्ठ नेते विजयसिंह मोहिते पाटील यांच्या मार्गदर्शनाखाली आमदार रणजितसिंह मोहिते पाटील, खासदार धैर्यशील मोहिते पाटील व आमदार उत्तमराव जानकर यांच्या उपस्थितीत बाधित शेतकऱ्यांच्या समस्या ऐकून घेण्यात आल्या.
या बैठकीमध्ये शक्तिपीठ महामार्गाची सद्यस्थिती, मोबदला, रेडी रेकनर दर, 20% कपात, GST संदर्भातील गैरसमज, सर्व्हिस रोड, अंडरपास, पाईपलाईनसाठी डक्ट, जुनी-नवी आलाइनमेंट याबाबत सविस्तर माहिती देण्यात आली आ.रणजितसिंह मोहिते पाटील यांनी प्रास्ताविकात हा महामार्ग वर्धा जिल्ह्यातील पवनार पासून ते सिंधुदुर्ग जिल्ह्यातील बांद्या पर्यंतचा हा ८५६ किमी लांबीचा १३ जिल्हयातून जाणारा रस्ता असून सोलापूर जिल्ह्यातील ४ तालुक्यातील ४३ गावातून १२९ किमी रस्ता जात आहे.या महामार्गावर पानगाव, करकंब तसेच वेळापूर येथे इंटर चेंज आहेत.हा रस्ता पूर्ण भरावाचा असून दर ५०० मिटर अंतरावर अंडरपास तसेच कच्चे सेवा रस्ते आहेत.या मार्गात जमिनी जाणाऱ्या बाधित शेतकऱ्यांना त्यांची संमती असेल तर रेडी रेकानर च्या ५ पट मोबदला दिला जाणार असल्याचे तसेच सन २०२३ नंतर या जमिनीत केलेल्या बदलाचा मोबदला दिला जाणार नसल्याचे सांगितले..तत्पूर्वी माढा लोकसभा मतदार संघातील या प्रत्येक बाधित शेतकऱ्यांच्या जमिनीत जाऊन त्याच्या अडचणी व भावना समजून घेण्याचे आश्वासन खा.धैर्यशील मोहिते पाटील यांनी दिले.
बहुचर्चित नागपूर गोवा शक्तिपीठाबाबतचे गैरसमज दूर करण्याबरोबरच बाधितांच्या अडचणी समजून घेण्यासाठी माजी उपमुख्यमंत्री विजयसिंह मोहिते पाटील यांच्या उपस्थितीत येथील शिवरत्न बंगल्यावर रविवारी संबंधित अधिकाऱ्यांना घेऊन बैठकीचे आयोजन करण्यात आले होते.
यावेळी खा.धैर्यशील मोहिते पाटील, आ.रणजितसिंह मोहिते पाटील, आ.उत्तमराव जानकर,सभापती दत्ता मगर,माजी अध्यक्ष जिल्हा परिषद अध्यक्ष मदनसिंह मोहिते पाटील,अर्जुनसिंह मोहिते पाटील,नगरसेवक सयाजीराजे मोहिते पाटील आदी उपस्थित होते.
यावेळी या शक्तिपीठाचा आराखडा तयार करणाऱ्या पुण्याच्या मुनाच कंपनीच्या अधिकाऱ्यांकडून माहिती घेऊन आ.रणजितसिंह मोहिते पाटील यांनी प्रास्ताविकात हा महामार्ग वर्धा जिल्ह्यातील पवनार पासून ते सिंधुदुर्ग जिल्ह्यातील बांद्या पर्यंतचा हा ८५६ किमी लांबीचा १३ जिल्हयातून जाणारा रस्ता असून सोलापूर जिल्ह्यातील ४ तालुक्यातील ४३ गावातून १२९ किमी रस्ता जात आहे.या महामार्गावर पानगाव, करकंब तसेच वेळापूर येथे इंटर चेंज आहेत.हा रस्ता पूर्ण भरावाचा असून दर ५०० मिटर अंतरावर अंडरपास तसेच कच्चे सेवा रस्ते आहेत.या मार्गात जमिनी जाणाऱ्या बाधित शेतकऱ्यांना त्यांची संमती असेल तर रेडी रेकानर च्या ५ पट मोबदला दिला जाणार असल्याचे तसेच सन २०२३ नंतर या जमिनीत केलेल्या बदलाचा मोबदला दिला जाणार नसल्याचे सांगितले.
यावेळी आक्रमक होत आमदार उत्तमराव जानकर यांनी शासनाचा हा जी आर चुकीचा असून संयुक्तिक मोजणीच्या वेळी असणारी परिस्थिती पाहून तसेच संबंधित शेतकरी व लोकप्रतिनिधी यांची संमती घेऊनच हा रस्ता झाला आहे,या रस्त्याचा स्थानिक शेतकऱ्यांना कसलाही फायदा नाही,रेडी रेकनर चे प्रत्येक गावांचे दर वेगळे आहेत.शासनाने बळाचा वापर करून संयुक्तिक मोजणी केली तर ती आम्ही चालू देणार नाही असा इशारा दिला.
यावेळी मुनाच कंपनीच्या अधिकाऱ्यांनी प्रश्नोत्तरात सध्याची परिस्थिती आम्ही नकाशात घेणार असून मोबदल्याची दि.३० जानेवारी २०२३ च्या मार्गदर्शक तत्त्वांचा वापर करणार असल्याचे सांगितले.
यावेळी खा.धैर्यशील मोहिते पाटील यांनी बोलताना या रस्त्यात कोणत्याही प्रकारचे राजकारण न आणता ज्यांची खरेच अडचण असेल त्यांच्या भावना समजून घेतल्या पाहिजेत.त्यासाठी आपण या मतदार संघातील या महामार्गाचे जे बाधित शेतकरी आहेत,त्या प्रत्येकाच्या प्रत्यक्ष बांधावर जाऊन त्याची अडचण समजून घेऊन नंतर केवळ बाधित शेतकऱ्यांचीच बैठक घेऊ असे सांगितले.
यावेळी सभापती दत्ता मगर, माजी सभापती मच्छिंद्र ठवरे,चंद्रकांत मगर,उत्तमराव पाटील अरण येथील अरणदिवे सर आदींनी आपल्या भावना व्यक्त केल्या या बैठकीसाठी माढा लोकसभा मतदार संघातील कार्यकर्ते व त्यांच्या जमिनी यासाठी संपादित होणार आहे असे शेतकरी मोठ्या संख्येने उपस्थित राहिले होते यावेळी आमदार रणजीत सिंह मोहिते पाटील यांनी मतदार याद्या नाव नोंदणी सुरू आहे तसेच पदवीधर मतदार संघाची ही नाव नोंदणी सुरू आहे याबाबत सविस्तर माहिती देऊन तालुक्यातील पाटबंधारे खात्याच्या कडून पाण्याची सद्यस्थिती याची माहिती घेतली === चौकट ======= एकरी १० कोटी दिले तरी आम्हाला नको,मात्र आमच्या गावातून रस्ता नको अशा निमगाव करांच्या ठाम विरोधाबरोबरच वेळापूर,अरण, करकंब येथील बाधित शेतकऱ्यांचा कडाडून विरोध झाल्यानंतर अखेर या बाधित शेतकऱ्यांची पुन्हा एकदा बैठक घेऊन तोडगा काढण्याचा निर्णय बाधित शेतकऱ्यांच्या बैठकीत घेण्यात आला.==-==== चौकट खासदार धैर्यशील मोहिते पाटील 21 तारखेनंतर माढा लोकसभा मतदार संघातील शक्तीपीठ महामार्गामध्ये येणाऱ्या गावांमध्ये जाऊन व ज्यांच्या जमिनी जाणार आहेत त्या शेतकऱ्यांची बैठक घेऊन अडचणी समजून घेणार आहेत——–
