अहिल्यानगर : परशुराम हिंदू सेवा संघ महाराष्ट्रच्या अहिल्यानगर जिल्हाध्यक्षपदी पुष्कर कुलकर्णी यांची नियुक्ती करण्यात आली आहे. त्यांच्या निवडीचे पत्र आमदार हेमंत रासने तसेच संघटनेचे प्रदेशाध्यक्ष विश्वजीत देशपांडे यांच्या हस्ते प्रदान करण्यात आले.
परशुराम हिंदू सेवा संघ महाराष्ट्र ही संघटना हिंदू समाजाच्या सर्वांगीण उत्कर्षासाठी कार्यरत असून सामाजिक, धार्मिक आणि संघटनात्मक पातळीवर विविध उपक्रम राबवत आहे. या कार्यात सक्रिय योगदान देण्याची तयारी दर्शवल्यामुळे पुष्कर कुलकर्णी यांची जिल्हाध्यक्षपदी निवड करण्यात आल्याचे संघटनेच्या वतीने सांगण्यात आले.
नियुक्तीपत्रात नमूद केल्याप्रमाणे, ही निवड तीन वर्षांच्या कालावधीसाठी असून संघटनेच्या धोरणांनुसार पुढील कार्य करणे अपेक्षित आहे. या काळात त्यांनी तन, मन आणि धनाने संघटनेच्या कार्यात योगदान देऊन हिंदू समाजाच्या उन्नतीसाठी कार्य करावे, अशी अपेक्षा व्यक्त करण्यात आली आहे.
तसेच, त्यांच्या कार्यकाळात समाजबांधवांना अभिमान वाटेल असे कार्य त्यांच्या हातून घडावे, अशी प्रार्थना व्यक्त करत त्यांना पुढील वाटचालीसाठी शुभेच्छा देण्यात आल्या.
