सांगोला – जिल्हा क्रीडा कार्यालय, सोलापूर यांच्या वतीने तालुका क्रीडा संकुल, सांगोला येथे आयोजित करण्यात आलेल्या तालुकास्तरीय शालेय मैदानी क्रीडा स्पर्धेत सांगोला विद्यामंदिर प्रशाला व ज्युनिअर कॉलेजच्या खेळाडूंनी विविध पदकांवर दिमागदार मोहोर उमटवली. या स्पर्धेत १४ वर्षे वयोगटातील मुलांच्या गटात धनराज बनसोडे १०० मी. धावणे प्रथम, सोहम वेंडोले लांब उडी व उंच उडीमध्ये प्रथम व २०० मी. धावण्यात द्वितीय, सुयोग मुळे २०० मी. धावण्यात द्वितीय, आदर्श बनसोडे लांब उडीत द्वितीय तसेच आदर्श बनसोडे, श्लोक मुळे, धनराज बनसोडे, सोहम वेंडोले व दीक्षांत क्षीरसागर यांच्या संघाने ४ बाय १०० मी. रिले प्रकारात द्वितीय, १७ वर्षे वयोगटातील मुलांमध्ये आयुष पाटील ११० मी. हर्डल्समध्ये द्वितीय, १९ वर्षे गटात करण भोसले ११० मी. हर्डल्समध्ये प्रथम तर १०० व २०० मी. धावण्यात द्वितीय, ऋषिकेश येलपले थाळीफेकीत प्रथम तसेच करण भोसले, सचिन चव्हाण, सुमित चव्हाण, श्रवण बनकर व रोहित चौगुले यांच्या संघाने ४ बाय ४०० मी. रिले धावणे प्रकारात प्रथम तर ४ बाय १०० मी. रिले प्रकारात द्वितीय क्रमांक पटकावला.
१७ वर्षे मुलींच्या वयोगटात ज्ञानेश्वरी बाबर १०० मी. धावण्यात तर रितिका मोकाशी गोळाफेकीत प्रथम, ज्ञानेश्वरी बाबर, श्रद्धा व्हनमाने, मयुरी साळे, रितिका मोकाशी व राजनंदनी चव्हाण यांच्या संघाने ४ बाय १०० मी. रिलेमध्ये प्रथम, १९ वर्षे गटात धनश्री भुसे २०० मी. धावणे प्रथम, सोनाली ठेंगल ४०० व ३००० मी. धावणे प्रथम, माधवी पाटील उंच उडी प्रथम, अश्विनी घाडगे ११० मी. हर्डल्स व लांब उडीत प्रथम आणि तिहेरी उडीत द्वितीय, शिवानी खरात हिने थाळीफेकीत द्वितीय, पल्लवी येलपले हिने थाळीफेक व गोळाफेकीत तृतीय तसेच अश्विनी घाडगे, धनश्री भुसे, अश्विनी वाघमोडे, समृद्धी पाटील व सोनाली ठेंगल यांच्या संघाने ४ बाय ४०० मी. रिलेमध्ये प्रथम तर ४ बाय १०० मी. रिलेमध्ये द्वितीय क्रमांक प्राप्त केला.
यशस्वी खेळाडूंचा सत्कार संस्थेचे खजिनदार शंकरराव सावंत यांच्या हस्ते करण्यात आला. यावेळी प्राचार्य चारुदत्त जगताप, उपमुख्याध्यापक प्रदीप धुकटे, उपप्राचार्य शिवशंकर तटाळे, पर्यवेक्षक शुभांगी घोंगडे, मकरंद अंकलगी उपस्थित होते. खेळाडूंना क्रीडा शिक्षक सुभाष निंबाळकर, सुनील भोरे, प्रा.डी.के.पाटील, नरेंद्र होनराव, प्रा.संतोष लवटे, स्नेहल देशमुख, प्रा.सचिन चव्हाण यांचे मार्गदर्शन लाभले. संस्थाध्यक्ष प्रा.प्रबुद्धचंद्र झपके, उपाध्यक्ष ऍड.विजयसिंह चव्हाण, सचिव मल्लिकार्जुन घोंगडे, सहसचिव प्रशुद्धचंद्र झपके, सदस्य शीलाकाकी झपके, विश्वेश झपके, पर्यवेक्षक काकासो नरोटे यांनी खेळाडूंचे व मार्गदर्शक शिक्षकांचे अभिनंदन केले.
