सोलापूर : राजर्षी शाहू महाराज यांच्या जयंतीनिमित्त छत्रपती छत्रपती शिवाजी महाराज मध्यवर्ती मंडळाच्या वतीने शिंदे चौक डाळिंब आड येथे अभिवादनाचा कार्यक्रम उत्साहात पार पडला. यावेळी रुग्णालयाचे अधिष्ठाता डॉ. ऋत्विक जयकर यांच्या हस्ते राजर्षी शाहू महाराज यांच्या प्रतिमेस पुष्पहार अर्पण करून विनम्र अभिवादन करण्यात आले.
कार्यक्रमात सामाजिक, शैक्षणिक, विधीज्ञ व लोकहिताच्या कार्यात योगदान देणाऱ्या मान्यवरांचा गौरव करण्यात आला. प्रथम महाराष्ट्र राज्य गोवा बार असोशियन निवडणुकीत विजयाची हॅट्रिक करणारे विक्रमादित्य ज्येष्ठ विधीज्ञ ॲड. मिलिंद थोबडे यांचा छत्रपती शिवाजी महाराजांचा पुर्णाकृती पुतळा देऊन व लेखक प्रा. अशोक राणा लिखित छत्रपती शिवराय हे पुस्तक देऊन गौरव करण्यात आला.
यानंतर अत्यंत अल्प काळात पत्रकारितेतील उल्लेखनीय कार्याबद्दल व मराठी पत्रकार संघाच्या सोलापूर शहराध्यक्ष पदी निवड झाल्याबद्दल वैभव गंगणे यांचाही छत्रपती शिवाजी महाराजांचा पुर्णाकृती पुतळा देऊन व लेखक प्रा . अशोक राणा लिखित छत्रपती शिवराय हे पुस्तक देऊन गौरव करण्यात आला.
यावेळी ट्रस्टी अध्यक्ष पद्माकर काळे, राजन जाधव, उत्सव अध्यक्ष जयवंत सलगर, हेमंत चौधरी, सदाशिव पवार यांच्यासह शहरातील विविध क्षेत्रांतील मान्यवर व नागरिक मोठ्या संख्येने उपस्थित होते.
चौकट
आजच्या पिढीने छत्रपतींचा आदर्श डोळ्यासमोर ठेवला पाहिजे:- वैद्यकीय अधिष्ठाता डॉ. ऋत्विक जयकर
आजच्या पिढीने छत्रपतींचा आदर्श डोळ्यासमोर ठेवून सामाजिक कार्यात योगदान दिले पाहिजे . व्यसनापासून लांब राहून राजेंचा विचारांचे समाजात जन प्रबोधन करण्यासाठी पुढे सरसावले पाहिजे . श्री शिवजन्मोत्सव मध्यवर्ती महामंडळाच्या वतीने घेण्यात आलेल्या विविध उपक्रमांचे जयकर यांनी विशेष कौतुक करत सत्कार मूर्तींना शुभेच्छा दिल्या.
चौकट
महाराष्ट्रात वाढलेल्या बलात्कारांच्या घटनांत वाढ :- ॲड.मिलिंद थोबडे
महाराष्ट्रात अलीकडच्या काळात बलात्कारांचे प्रमाण मोठ्या प्रमाणात वाढले आहे .याला पायबंद घालण्यासाठी प्रत्येकाने पुढे सरसावले पाहिजे. खून, हाणामाऱ्या, चोऱ्या , लूटमार, वकील व पत्रकारांवरील वाढते रोखले गेले पाहिजे.यासाठी कायद्याची तरतूद कडक केली पाहिजे. पोलिस प्रशासनाने सतर्कता दाखवली पाहिजे. असे मनोगत व्यक्त केले.
