पंढरपूर- सोशल मीडियावर अश्लील मेसेज, फोटो पाठवून येथील काही महिला आणितरुण मुलींना जाणीवपूर्वक त्रास देणाऱ्या युवकाला येथील बजरंग दलाच्या युवापदाधिकारी व कार्यकर्त्यांनी पोलिसांच्या ताब्यात दिले, मात्र आश्चर्याची गोष्ट म्हणजे पोलिसांनी कारवाईचा बडगा उगारणे दूरच तर चक्क या युवकाला केवळ नोटीस देऊन पोलिसांनी सोडून दिले. यामुळे पीडित महिला व मुलींनी पोलिसांच्या कार्यपध्दतीवर संशय व्यक्त करत तीव्र संताप व्यक्त केला आहे.
अजहर मस्जिद शेख ( वय २८, रा.तानाजी चौक परिसर, पंढरपूर) हा युवक मुळचा पंढरपूर येथील असून सध्या सोलापूर येथील नई जिंदगी भागात आपल्या नातेवाईकाकडे तो राहत आहे. सोलापूर येथेतो नोकरी करीत असून फावल्या वेळात नको ते धंदे करत अनेक प्रतिष्ठित, घरंदाज महिला, मुली यांना फेसबुक, व्हाट्सअप, मेसेंजर वरून अश्लील फोटो, घाणेरडे मेसेज करत चॅट करत आहे, सोलापूर येथीलकाही राजकीय पक्षातील महिलांना देखील चॅटकरून त्याने विचित्र आणि लज्जास्पद भाषा वापरली आहे.दरम्यान पंढरपूर येथील एका महिलेला हा जाणीवपूर्वक त्रास देत असल्याने संबंधित महिलेच्या नातेवाईकांनी पोलिसांकडे रितसर तक्रार दाखल केली. मात्र पोलिसांनी काहीच कारवाई केली नाही.
अखेर पंढरपूर येथील बजरंग दलाचे श्रीनाथ संगीतराव यांनी या गंभीर प्रकाराची दखल घेत सोलापूर येथून संबंधित तरुणाला पंढरपूर येथे येण्यास भाग पाडले. त्यानंतर त्याला पोलिसांच्या ताब्यात देण्यात आले. पोलिस त्याच्यावर मोठी कारवाई करतील असा सर्वांना विश्वास होता. त्यासाठी या मंडळींकडून पोलिसांकडे अनेक पुरावे सादर केले गेले. या बरोबरच बऱ्याच तक्रारी देखील दिलेल्या होत्या.
मात्र पोलिसांनी केवळ एक नोटीस देऊन संबंधित तरुणाला सोडून दिले. पोलिसांची ही कृती पाहुन त्याच्या त्रासाला बळी पडलेल्या महिला सुन्न झाल्या. या प्रकरणात नेमके काय झाले ? पोलिस या तरुणावर ऐवढे मेहेरबान का ? या प्रकरणात काही काळेबेरे झाले की काय ? अशा एक, ना अनेक शंका संबंधित तरुणाच्या त्रासाला बळी पडलेल्या महिला आणि मुलींकडून उपस्थित केले जात आहेत.
हा वासनांध युवक मागील अनेक दिवसांपासून असे प्रकार जाणीवपूर्वक विशिष्ट वयोगटातील महिला तसेच विविध पक्षाच्या पदाधिकारी, युवती यांना हेरून करत होता. त्यांची मानसिक स्थिती खराब होईल असे विचित्र लज्जास्पद मेसेज,भाषा, फोटो अपलोडकरून हँरेशमेंट करूनही पोलिसंकडून संबंधित तरुणावर कोणतीही कारवाई केली जात नाही याबाबत आश्चर्य व्य्कत होत आहे. ऐवढेच नाही तर पोलिसांचा हा प्रकार अजब असून, कायद्याचे भय कुणाला आहे की नाही ? असा सवाल देखील आता समस्त महिलां वर्गाकडून उपस्थित केला जात आहे.
——————-
चौकट ( केवळ प्रतिष्ठा जपण्यासाठी मुली, महिलां गप्प )
या प्रकरणी पंढरपूर, सोलापूर तसेच इ
तर अनेक गावातीलअनेक उच्च प्रतिष्ठित तसेच घरंदाज महिलांना अशा लाजिरवाण्या पोस्टना सामोरे जावे लागले आहे. मात्र केवळ घराण्याची प्रतिष्ठा जपण्यासाठी अनेक महिला पोलिसात गेल्या नाहीत असे देखील बोलले जात आहे.
तर अनेक गावातीलअनेक उच्च प्रतिष्ठित तसेच घरंदाज महिलांना अशा लाजिरवाण्या पोस्टना सामोरे जावे लागले आहे. मात्र केवळ घराण्याची प्रतिष्ठा जपण्यासाठी अनेक महिला पोलिसात गेल्या नाहीत असे देखील बोलले जात आहे.
