सोलापूर – शिवसेना मोहोळ विधानसभा प्रमुख दिलीप टेकाळे यांचे पुतणे प्रशांत टेकाळे (वय २७) यांचे सावळेश्वर येथील टोलनाक्याजवळ झालेल्या अपघातात दुर्दैवी निधन झाले. या दुःखद घटनेमुळे टेकाळे कुटुंबीयांवर दुःखाचा डोंगर कोसळला आहे.
या पार्श्वभूमीवर शिवसेनेच्या विविध पदाधिकाऱ्यांनी प्रशांत टेकाळे यांच्या राहत्या घरी शनिवार दिनांक १० ऑक्टोबर रोजी भेट देऊन टेकाळे कुटुंबीयांचे सांत्वन केले. यावेळी सहसंपर्कप्रमुख दत्तात्रय माने, जिल्हाप्रमुख प्रवीण काकडे, उपजिल्हाप्रमुख कय्यूम शेख, उपजिल्हा संघटक बाळासाहेब वाघमोडे, उत्तर सोलापूर तालुकाप्रमुख अच्युतराव बाभळे, बार्शी तालुकाप्रमुख शहाजी बगाडे, बार्शी विधानसभा प्रमुख जीवन काकडे आणि मोहोळ तालुकाप्रमुख अशोक भोसले यांच्यासह शिवसेना पदाधिकारी उपस्थित होते.
अवघ्या २७व्या वर्षी प्रशांत टेकाळे यांचे अपघाती निधन झाल्याने परिसरात हळहळ व्यक्त होत असून, पदाधिकाऱ्यांनी शोकाकुल कुटुंबीयांना धीर दिला.
