तभा फ्लॅश न्यूज/पंढरपूर : पंढरपुर शहरातील सराईत वाळु तस्कर गुन्हेगार पिल्या उर्फ गंगाधर नागन्नाथ बंदपटटे याच्यावर एम.पी.डी.ए कायदयांर्गत एक वर्षाकरीता येरवडा कारागृह, पुणे येथे स्थानबध्दृतेची कारवाई करण्यात आल्याची माहिती शहर पोलिस ठाण्याचे वरिष्ठ पोलिस निरीक्षक विश्वजीत घोडके यांनी दिली.
या कारवाई संदर्भात माहिती देताना वरिष्ठ पोलिस निरीक्षक घोडके यांनी सांगितले की, येथील शहर पोलीस ठाणे हददीतील अवैधपणे वाळू उपसा करून ती बेकायदेशीपणे विक्री व्यवसाय करणारा वाळु तस्कर तसेच धोकादायक व्यक्ती सराईत गुन्हेगार पिल्या उर्फ गंगाधर नागन्नाथ बंदपटटे ( रा.महात्मा फुले चौक, संतपेठ, पंढरपुर ) हा गंभीर शरीराविषयीचे गुन्हे करून अवैधरित्या वाळु चोरी करणे, ती विक्री करणे सोयीचे व्हावे या करीता दहशत माजवुन वाळुचे कारणावरून जिव घेणे हल्ले करणे तसेच पंढरपूर शहर व पंढरपूर शहरा लगतच्या परीसरातील लोकांना दमदाटी, मारहाण करून, गौण खनिज (वाळु) चोरी करणे असे गुन्हे करण्याची त्यास सवय होती.
एक धोकादायक व्यक्ती व वाळु तस्कर म्हणुन त्याने स्वतःला सिध्द केले होते. त्याचे विरुध्द अनेकवेळा गंभीर स्वरूपाचे शरीराविषयीचे तसेच खुनाचा प्रयत्न करणे व अवैध वाळु व्यवसाय बद्दल गुन्हे दाखल होवुन त्यामध्ये अटक करण्यात आली होती परंतु तो सदर गुन्हयात जामीन मिळवुन त्याने पुन्हा गंभीर शरीराविषयीचे गुन्हे करणे तसेच अवैध वाळु व्यवसाय अव्याहतपणे सुरूच होता तो कायदयाला जुमानत नव्हता.
महाराष्ट्र झोपडपट्टी दादा, हातभट्टी व औषधी द्रव्य विषयक गुन्हेगार व धोकादायक व्यक्ती, द्रकश्राव्य कलाकृतींचे विनापरवाना प्रदर्शन करणारे व्यक्ती, अत्यांवश्यक वस्तुंचा काळाबाजार करणारे व्यक्ती, वाळू तस्कर यांच्या विघातक कृत्यांना आळा घालणे विषयीचा कायदा सन १९८१ मधिल कलम ३ (१) अन्वये स्थानबध्द करणेबाबतचा प्रस्ताव पोलीस अधिक्षक सोलापुर ग्रामीण यांचे मार्फत जिल्हाधिकारी तथा जिल्हादंडाधिकारी सोलापुर यांना पाठविणेत आला होता.
त्या अनुशंगाने स्थानबध्दतेचे कामकाज चालवुन त्यांनी एम.पी.डी.ए कायदयांर्गत स्थानबध्दतेचे आदेश पारीत केलेने स्थानबध्द इसमास ताब्यात घेवुन येरवडा मध्यवर्ती कारागृह, पुणे येथे एक वर्षाकरीता स्थानबध्द करणेत आलेले असुन पंढरपुर शहरातील आणखीन अशा प्रकारचे गुन्हेगारी पार्श्वभुमी असणारे गुन्हेगारांवर कारवाई करणेची प्रक्रिया चालु असल्याचे देखील वरिष्ठ पोलिस निरीक्षक घोडके यांनी सांगितले.
दरम्यान ही कामगीरी पोलीस अधिक्षक अतुल कुलकर्णी, अप्पर पोलीस अधिक्षक प्रितमकुमार यावलकर, येथील उपविभागीय पोलीस अधिकारी डॉ. अर्जुन भोसले, पोलीस निरीक्षक संजय जगताप, स्थानिक गुन्हे शाखा, वरिष्ठ पोलीस निरीक्षक पंढरपूर यांचे मार्गदर्शनाखाली गुन्हे प्रकटीकरण शाखेचे सपोनि आशिष कांबळे, सपोफौ. कल्याण ढवणे, पोलीस नाईक सचिन इंगळे तसेच पोसई, राजेश गोसावी, पोहवा शिवाजी पाटील, सिरमा गोडसे, प्रसाद औटी, सचिन हेंबाडे, विठठल विभुते, पोकों कपिल माने, शहानी मंडले, बजरंग बिचकुले, धनाजी मुटकुळे, दिपक नवले, अनिस शेख तसेच रतन जाधव यांनी केली.
