सांगोला – केवळ राजकारण आणि शिक्षणात महिलांना आरक्षण देऊन चालणार नाही तर समाजातही त्यांना मानाचे स्थान आणि प्रतिष्ठा मिळाली पाहिजे या हेतूने माजी आ.दिपकआबा साळुंखे पाटील यांनी राज्याच्या महिला आणि बालविकास मंत्री अदिती तटकरे यांच्याकडे सांगोला तालुक्यातील महिलांना गावोगावी सामाजिक सभागृह मिळावे अशी मागणी केली होती. त्यांच्या या मागणीला तात्काळ मंजुरी देत तालुक्यातील ३३ कामांना तब्बल ६ कोटी ५० लाख रुपयांचा कामाला मंत्री तटकरे यांनी निधी उपलब्ध केला आहे.
सांगोला तालुक्यातील जवळा, भोपसेवाडी, कोळा, हातीद, संगेवाडी, अजनाळे, वाटंबरे, पाचेगाव बु., हंगीरगे, य.मंगेवाडी, आलेगाव, वाढेगाव, बामणी, मेथवडे, देवळे, सावे, राजापूर, मेडशिंगी गावातील बुर्लेवाडी, वाकी घे, एखतपूर, वा. चिंचाळे, धायटी, उदनवाडी, पारे, मांजरी, देवकतेवाडी, डिकसळ, कटफळ, चिनके या गावात तर सावे येथील इमडेवाडी आणि आलेगाव येथील बाबरवाडी येथे महिलांसाठी सामाजिक सभागृह बांधण्यासाठी प्रत्येकी २० लाख तसेच मेडशिंगी येथे ४० लाख रुपयांचा निधी मंजूर करण्यात आला आहे. या निर्णयामुळे तालुक्यातील महिला वर्गातून अदिती तटकरे आणि दिपकआबा साळुंखे पाटील यांचे आभार व्यक्त होत आहेत.
महिलांना स्वतंत्र सामाजिक सभागृह मिळावे ही महिलांची भूमिका होती. महिलांच्या या मागणीची दखल घेऊन महिला आणि बालविकास मंत्री अदिती तटकरे यांच्याकडे मी केलेल्या मागणीला त्यांनी तत्काळ मंजुरी दिल्याने सांगोला तालुक्यातील महिलांना राजकारण आणि समाजकारण करण्यासाठी हक्काचे व्यासपीठ मिळणार आहे.
– माजी आ.दिपकआबा साळुंखे पाटील
