सोलापूर : श्रीराम जन्मोत्सव समितीतर्फे यंदाच्या वर्षीपासून हिंदू शौर्य पुरस्कार देण्यात येणार आहे. पहिल्यावर्षी हा पुरस्कार गोरक्षक मिलिंद एकबोटे व वृंदावन वात्सल्य ग्राम प्रकल्प येथील साध्वी ऋतुंभरा दीदी यांच्या शिष्या साध्वी सारिका परमानंद यांना घोषित करण्यात आला आहे. या पुरस्काराचे वितरण २६ मार्च रोजी दाजी पेठ येथील हेडगेवार पटांगणात होणार आहे.
श्रीराम जन्मोत्सव समितीची पदाधिकारी निवड बैठक दत्तनगर येथील श्री राम मंदिरात झाली. या बैठकीत श्रीराम नवमी निमित्त विविध उपक्रमांचे नियोजन करण्यात आले. श्रीराम जन्मोत्सव समितीच्या उत्सव अध्यक्षपदी राम कबाडे यांची तर कार्याध्यक्षपदी महेश जेऊर यांची एकमताने निवड करण्यात आली.
भारत हिंदू राष्ट्र म्हणून घोषित व्हावे याकरिता श्रीराम जन्मोत्सव समितीतर्फे २५ मार्च रोजी हेडगेवार पटांगण येथे १५१ हवन कुंडीय यज्ञ होणार आहे. या कार्यक्रमानंतर भव्य शोभायात्रा काढण्यात येणार आहे. तसेच २६ मार्च रोजी श्रीराम नवमी दिवशी सिताराम कल्याण महोत्सवाचे आयोजन करण्यात आले आहे. यानंतर पुरस्काराचे वितरण होणार आहे.
या बैठकीस श्रीराम जन्मोत्सव समितीचे नूतन उत्सव अध्यक्ष राम कबाडे, संजय साळुंखे, पंडित वेणुगोपाल जिल्ला पंतलु, नगरसेवक अक्षय अंजिखाने, संजय होमकर, चन्नवीर चिट्टे, यतीराज होनमाने, सागर अतनुरे, नागेश सरगम, भीमाशंकर पदमगोंडा, सचिन शिवशक्ती, संदीप महाले, विश्वनाथ चिडगुंपी , बाबुराव क्षीरसागर, अर्जुन मोहिते, केतन अंजिखाने, शीलवंत छपेकर, योगेश कबाडे, गंगाधर झुरळे, नरेश ताटी, अनुप कुलकर्णी, रविराज हरसुरे, मनोज विटकर आदी मोठ्या संख्येने उपस्थित होते.
———-
श्रीराम जन्मोत्सव समितीची उत्सव कार्यकारणी पुढीलप्रमाणे – अध्यक्ष : राम कबाडे, कार्याध्यक्ष – महेश जेऊर, उपाध्यक्ष – लक्ष्मण सरवदे, उपाध्यक्ष – सतीश पारेली, उपाध्यक्ष – नागेश मंजेली, उपाध्यक्ष – अमर गट्टी, सचिव – आनंद शर्मा, सचिव – पिनू करपे, सचिव – कल्याण करजगी सहसचिव – प्रसाद भास्कर, सह सचिव – चारुदत्त हुलजंतीवाले, धार्मिक विधी प्रमुख – अनिल वंगारी, होम हवन प्रमुख – शिवराज दासी.
