अक्कलकोट – महाविकास आघाडीच्या पुणे पदवीधर मतदार संघातील उमेदवार सौ. हर्षदा देशमुख जाधव व शिक्षक मतदार संघातील उमेदवार जयंत आसगांवकर यांनी प्रचारात आघाडी घेतलेली आहे. महाविकास आघाडीचे अक्कलकोट तालुका काँग्रेसचे अध्यक्ष मल्लिकार्जुन पाटील, जिल्हा अध्यक्ष सातलिंग शटगार, जिल्हा काँग्रेसचे उपाध्यक्ष अरुण जाधव, प्रा. प्रकाश सुरवसे यांनी खेडगी महाविद्यालय, शहाजी हायस्कूल, मंगरूळे हायस्कूल, राणी निर्मलाराजे कन्या प्रशाला, काशिराया पाटील हायस्कूल, काशिलिंग प्रशाला जेऊर, हैद्रा प्रशाला, कै. महादेव पाटील आश्रम शाळा बादोला या ठिकाणी भेटी दिल्या.
सौ. हर्षदा देशमुख जाधव यांचे शैक्षणिक क्षेत्रात मोठे योगदान असून त्यांना पदवीधरांच्या प्रश्नांची जाण आहे. पुणे येथील त्यांच्या शैक्षणिक संकुलात दहा हजार विद्यार्थी शिक्षण घेत आहेत. अशी शिक्षणाची जाण असणाऱ्या व्यक्ती विधान परिषदेत असणे गरजेचे आहे. असे जिल्हा काॅंग्रेसचे उपाध्यक्ष अरुण जाधव यांनी ठिकठिकाणी भाषणात सांगितले.
जयंत आसगांवकर हे क्रियाशील आमदार असून शिक्षकांचे प्रश्न तातडीने सोडवण्यासाठी ते प्रयत्न करतात.
विविध शाळा व महाविद्यालयानां काॅंग्रेस सरकारच्या काळात मान्यता मिळाल्या आहेत. या निवडणुकीच्या माध्यमातून त्याची उतराई होण्याची सुवर्णसंधी आपल्याला प्राप्त झाली आहे. असे मल्लिकार्जुन पाटील यांनी सांगितले.
सौ. हर्षदा देशमुख जाधव व जयंत आसगांवकर हे अक्कलकोट तालुक्यात बहूमत घेऊन विजयी होणार असे सातलिंग शटगार यांनी सांगितले. या प्रसंगी नगरसेवक मुस्तफा बळोरगी, नारायण चव्हाण, काशिनाथ कापसे, प्राचार्य चानकोटे, श्री. कवटे आदी उपस्थित होते.
